UFC 266–ის მთავარი დაპირისპირება, ქვემსუბუქი დივიზიონის მოქმედ ჩემპიონ, ალექსანდრ ვოლკანოვსკისა და ბრაიან ორტეგას შორის შედგა, რომელიც ძალიან დაძაბული გამოდგა. ავსტრალიელმა ხუთრაუნდიანი ორთაბრძოლა მოიგო და ტიტული კიდევ ერთხელ დაიცვა. მის აქტივში ზედიზედ 20 მოგება ფიქსირდება, UFC–ში კი მან მეათედ იმარჯვა.

გულშემატკივრებისა და MMA–ის სამყაროს ცნობილი წარმომადგენლების ნაწილი მიიჩნევს, რომ ამ ბრძოლას რემატჩი სჭირდება, რადგან ორტეგამ კარგად იასპარეზა და ის კიდევ ერთ შანსს იმსახურებს. როგორც იცით, დივიზიონის პირველი ნომერი, მაქს ჰოლოვეი 14 ნოემბერს ურთიერთობას იაირ როდრიგესთან გაარკვევს. შესაძლოა, ვოლკანოვსკი მათ გამარჯვებულს დაელოდოს და შემდეგ მას დაუპირისპირდეს.

მიუხედავად იმისა, რომ ჩემპიონთან შეხვედრის სურვილი UFC–ში დაუმარცხებელ ქართველ, გიგა ჭიკაძესაც აქვს, დიდი ალბათობით, ვოლკანოვსკი მას ამ ეტაპზე არ შეხვდება, რადგან UFC 266–ის პრესკონფერენციაზე მან ჭიკაძის შესახებაც ისაუბრა, სადაც ალექსანდრმა "ნინძა" შეაქო, თუმცა აღნიშნა, რომ საჩემპიონო ბრძოლისთვის, მას კიდევ სჭირდება ერთი ბრძოლის მოგება.

აქვე შეგახსენებთ, რომ ხსენებულ ღონისძიებაზე, მერაბ დვალიშვილმაც იასპარეზა და მარლონ მორაესი დაამარცხა. შედეგად, მან ყველაზე პრესტიჟულ ორგანიზაციაში ზედიზედ მეშვიდედ იმარჯვა.

A true battle for the ages 👏

💰 @AlexVolkanovski and @BrianTCity earn your Fight of the Night honors!

[ #UFC266 | B2YB @ToyoTires ] pic.twitter.com/7korZEZD09
— UFC (@ufc) September 26, 2021

ვოლკანოვსკი VS ორტეგა – ბრძოლა რომელსაც რემატჩი სჭირდება?!

ჩემპიონმა ტიტული შეინარჩუნა

ბრძოლა ძალიან დაძაბული გამოდგა

უახლესი ამბები