UFC-ს მსუბუქი დივიზიონის ერთ-ერთი გამორჩეული მებრძოლი, დასტინ პორიე, მოქმედ ჩემპიონ - ჩარლზ ოლივეირასთან ბრძოლას დათანხმდა. მოგეხსენებათ, რომ ბრაზილიელმა სატიტულო ბრძოლაში მაიკლ ჩენდლერი დაამარცხა და ხაბიბ ნურმაგომედოვის წასვლის შემდეგ, აღნიშნულ დივიზიონს მისი სახით ახალი ჩემპიონი მოევლინა.

პორიემ კი წელს კონორ მაკგრეგორთან ტრილოგია გამართა და ირლანდიელი ზედიზედ მეორე დაამარცხა. ამის შემდეგ, უცხოური მედიის წარმომადგენლები იტყობინებოდნენ, რომ ოლივერა ქამარს სწორედ "ბრილიანტთან" ბრძოლით დაიცავდა, თუმცა საქმეში ნეით დიაზიც ჩაერთო, რომელმაც დასტინს ოქტაგონზე პირისპირ შეხვედრა შესთავაზა. ამის შემდეგ კი ჩემპიონმა განაცხადა, რომ თუ პორიეს ბევრი ფულის შოვნა სურს, ის ამერიკელს შეებრძოლებოდა და თუ ეს ასე მოხდებოდა, მას არ გააკრიტიკებდა, თუმცა როგორც ჩანს, დასტინმა საბოლოო არჩევნაი მაინც ქამრისთვის ორთაბრძოლაზე შეაჩერა.

მან ბრეტ ოკამოტოსთან საუბარში დაადასტურა, რომ ბრაზილიელთან ბრძოლას საბოლოოდ დათანხმდა. როგორც ირკვევა, კონტრაქტზე ხელი უკვე მოწერილია და მსუბუქი დივიზიონის ტოპ ბრძოლა,ს 11 დეკემბერს (საქართველოს დროით 12 დეკემბერს) ვიხილავთ.

მოგახსენებთ, რომ ამ მომენტისთვის ოლივეირას ცხრა ბრძოლიანი მოგებათა სერია აქვს. ის 2017 წლის შემდეგ არ დამარცხებულა, ხოლო პორიემ 2019 წელს ხაბიბ ნურმაგომედოვთან განცდილი მარცხის შემდეგ, ზედიზედ სამჯერ იმარჯვა. აქედან ორჯერ მან მაკგრეგორი დაამარცხა.

პორიე ოლივეირასთან ბრძოლას დათანხმდა

დასტინი ჩემპიონს შეხვდება

ისინი დეკემბერში იბრძოლებენ

უახლესი ამბები