ოსლოში მიმდინარე ბერძნულ-რომაული სტილით მოჭიდავეთა მსოფლიო ჩემპიონატის დასკვნით დღეს საქართველოს ნაკრების მონაგარი ვერცხლის მედლით გაიზარდა.

63 კილოგრამ წონით კატეგორიაში მოასპარეზე ლერი აბულაძემ ფინალისკენ მიმავალი გზა წარმატებით განვლო და მაგრამ ჩემპიონობამდე ნაბიჯი და ქულა დააკლდა.

მომავალი მედალოსანი ასპარეზში მერვედფინალიდან ჩაერთო. 5-4 დაამარცხა ყაზახი სულთან ასეტული, მეოთხედფინალში ასეთივე ანგარიშით მოუგო იაპონელ კენსუკე შიმიზუს, ნახევარფინალში კი 7-1 დაამარცხა უნგრელი ერიკ ტორბა.

ქართველი ფალავანს გაცილებით რთული გამოცდის ჩაბარება მოუწია გადამწყვეტ შეხვედრაში, სადაც ირანელმა მეისამ კარამალი დალხანიმ მედგარი წინააღმდეგობა გაუწია და ფაქტობრივად, თანაბარძალოვან შეხვედრაში გამარჯვებაც მას დარჩა - 5-4.

ლერი აბულაძეს მსოფლიო ჩემპიონობამდე ქულა დააკლდა

ასევე იხილეთ

უახლესი ამბები