დაახლოებით ორი კვირის წინ, ბრიტანელი მოკრივე, ენტონი ჯოშუა, რომელიც იმ მომენტისთვის WBA-ს, WBO-ს, IBF-ისა და IBO-ს საჩემპიონო ქამრებს ფლობდა, უკრაინელ ალექსანდრ უსიკს დაუპირისპირდა და ბევრისთვის მოულოდნელად დამარცხდა. შედეგად, უკრაინელის სახით, მსოფლიოს ახალი ჩემპიონი ჰყავს.

Watford Observer–ის ცნობით, ენტონის ტიტულების დაბრუნების სურვილი აქვს და სწორედ ამიტომ, უსიკთან რემატჩის გამართვა სურს. თავის მხრივ, უკრაინული მხარეც მზადაა, რომ ამ საკითხზე მოლაპარაკებები ახლო მომავალში დაიწყოს.

შეგახსენებთ, რომ ახლახანს ტაისონ ფიურიმ, დეოინტეი უაილდერი ზედიზედ მეორედ დაამარცხა. გულშემატკივრები უკვე დიდი ხანია, რაც ბრიტანელი ბოშას და ენტონის დაპირისპირებას ელიან. ჯოშუამ უსიკთან მარცხის შემდეგ განაცხადა, რომ ფიურის ქამრების გარეშეც შეხვდება.

ტაისონისა და ენტონის ორთაბრძოლა ორჯერ უნდა შედგეს. დიდი ალბათობით, რინგზე მათი პირველი შეხვედრა 2022 წელს მოხდება. როგორც ფიური წარსულში აცხადებდა, თანამემამულესთან ორბრძოლიანი დუელის შემდეგ, სავარაუდოდ კარიერასაც დაასრულებს. ჯოშუა კი ჯერჯერობით წასვლას არ აპირებს და მას წინ დიდი გეგმები აქვს.

რაც შეეხება უსიკისა და ჯოშუას რემატჩს, ის 2022 წლის გაზაფხულზე უნდა შედგეს.

Anthony Joshua has triggered his clause for a rematch against Oleksandr Usyk, which will take place in the spring of 2022.
— Sky Sports News (@SkySportsNews) October 10, 2021

ჯოშუას უსიკთან რემატჩის გამართვა სურს

ენტონის ტიტულების დაბრუნება უნდა

ასევე იხილეთ

უახლესი ამბები