პარიზში მიმდინარე ძიუდოს გრან სლემის მეორე საშეჯიბრო დღეს, -81 კილოგრამ წონით კატეგორიაში საქართველოს ტატო გრიგალაშვილი წარმოადგენს.

ქართველი ფალავანი ტურნირს მეორე ეტაპიდან ჩაერთო და პირველ დაპირისპირებაში მისი მეტოქე მონღოლი ძიუდოისტი, მურენცენ ბატულგა გახლდათ.

ტატო გრიგალაშვილმა მოწინააღმდეგე ვაზარით დაამარცხა და მეოთხედფინალის საგზური მოიპოვა, სადაც მისი მეტოქე ტიმო კაველიუსისა და ტიზიე გნამიენის შეხვედრაში გაირკვევა.

შეგახსენებთ, რომ გუშინ, 16 ოქტომბერს საქართველოს სახელით მხოლოდ ეთერ ლიპარტელიანმა იასპარეზა და ბრინჯაოს მედალი მოიპოვა. დღეს კი გრიგალაშვილის გარდა პარიზის ტატამებზე ლუკა მაისურაძე (-90 კგ) და ონისე სანებლიძე (-100 კგ) გამოვლენ.

გრიგალაშვილმა ბატულგა დაამარცხა

ტატო გრიგალაშვილი პარიზის გრან სლემის მეოთხედფინალში გავიდა

უახლესი ამბები