დაუმარცხებელი ფრანგი მებრძოლი, სირილ განი რომელიც UFC–ს მძიმე დივიზიონის დროებითი ტიტულის მფლობელია, მოქმედ ჩემპიონ – ფრენსის ნგანუსთან შესახვედრად ემზადება. სავარაუდოდ, მათი დაპირისპირება საფრანგეთში შედგება.

მოგეხსენებათ, რომ ნგანუმ ტიტული სტიპე მიოჩიჩთან რემატჩში მოიპოვა, ხოლო განმა 2021 წელს ჯერ როზენსტრაიკი და ვოლკოვი დაამარცხა, ხოლო შემდეგ დროებითი ტიტულისთვის ბრძოლაში, დერიკ ლუისიც დაჯაბნა.

სირილს კარიერაში ათი ბრძოლა აქვს გამართული და არასდროს დამარცხებულა. თუ ის ამის გაკეთებას მე–11 ჯერზეც შეძლებს, ყველაზე პრესტიჟული ორგანიზაციის ჩემპიონი დაუმარცხებლად გახდება. როგორც თავად ამბობს, მომავალი მოწინააღმდეგის შესაძლებლობებს აფასებს, თუმცა ის სულაც არ აშინებს.

რა თქმა უნდა, ფრენსის ნგანუ ძალიან ძლიერია. მე მისი არაერთი ბრძოლა მინახავს. მწვრთნელებთან ერთად, ყველა საჭირო დეტალს შევისწავლით და ამ დაპირისპირებას კარგად მომზადებული შევხვდები.

ნგანუს ძალა? ეს სულაც არ მაშინებს. თქვენ ნახეთ ეს დერიკ ლუისთან ბრძოლის დროსაც. ისიც დიდი ძალის პატრონია და მეტოქეების დანოკაუტება ძალიან უყვარს, თუმცა ამას ჩემთვის პრობლემა არ შეუქმნია. როდესაც კარიერა დავიწყე, ჩემი ყოველი მეტოქე, მეტად გამოცდილი იყო, ვიდრე მე, თუმცა ამას წარმატების მიღწევაში ხელი არ შეუშლია. საკუთარ შესაძლებლობებში დარწმუნებული ვარ და ისიც ვიცი, რომ სიფრთხილე ყოველთვის უნდა გამოვიჩინო.

ვფიქრობ, ეს შანსი დამსახურებულად მივიღე და შემიძლია, რომ ჩემი ძლიერი მხარეები წარმოვაჩინო. იანვარში ერთად ვნახავთ თუ ვინ შეძლებს უშუალოდ ოქტაგონზე თავისი გეგმის უკეთ განხორციელებას.

Morning Report: Ciryl Gane not worried about Francis Ngannou’s power in their title fight: ‘This is not scaring me’ https://t.co/F33YTFdLoK pic.twitter.com/rAFTZMY8os
— MMAFighting.com (@MMAFighting) October 14, 2021

განი: "ნგანუს ძალა? ეს სულაც არ მაშინებს"

სირილ განი და ფრენსის ნგანუ სატიტულო ბრძოლისთვის ემზადებიან

უახლესი ამბები