როგორც უკვე მოგახსენეთ, პარიზის გრანდ სლემზე, ტატო გრიგალაშვილმა (–81კგ) ფინალში გააღწია, სადაც მისი მეტოქე იაპონელი ტაკეში სასაკი გახლდათ. სამწუხაროდ, ტატომ მეტოქის დამარცხება ვერ შეძლო და ვერცხლის მედალს დაეუფლა.

ფინალამდე მისვლა კი ტატოს არ გასჭირვებია. ის შეჯიბრში მეორე წრიდან ჩაერთო და მონღოლი მურენცენ ბატულგა ვაზარით დაამარცხა. მეოთხედფინალში კი გრიგალაშვილმა ტურნირის მასპინძელი ქვეყნის წარმომადგენელი, ტიზიე გნამიენის ბარიერი დაძლია.

ტატომ მეტოქე იპონით დაამარცხა და ნახევარფინალში ასპარეზობის უფლება მოიპოვა. ამის შემდეგ იაპონელი სოტარო ფუჯივარას ვაზარით მოუგო და ფინალში გააღწია, სადაც ზემოთხსენებულ ტაკეში სასაკის შეხვდა.

ტატო გრიგალაშვილმა ვერცხლის მედალი მოიპოვა

ასევე იხილეთ

უახლესი ამბები