აბსოლუტურმა საბრძოლო ჩემპიონტმა ოფიციალურად დააანონსა, რომ UFC 269–ის ეგიდით, მორიგი ღონისძიება 11 დეკემბერს შედგება და გულშემატკივრები აღნიშნულ ქარდზე, ორ სატიტულო ორთაბრძოლას იხილავენ.

დომინანტი ქალი ჩემპიონი – ამანდა ნუნეში ჯულიანა პენიას დაუპირისპირდება, რომელიც მე–13 ნომერი გახლავთ. მეორე სატიტულო ორთაბრძოლა კი მსუბუქ დივიზიონში შედგება. ბრაზილიელი ჩემპიონი – ჩარლზ ოლივეირა ქამარს პირველად დაიცავს. მისი მეტოქე კი დასტინ პორიე იქნება, რომელმაც კონორ მაკგრეგორი ტრილოგიაში დაამარცხა.

კიდევ ერთი ძალიან საინტერესო, თუმცა არა სატიტულო ბრძოლა ქვესაშუალო წონით დივიზიონში შედგება და ლეონ ედვარდსი, ხორხე მასვიდალის წინააღმდეგ იასპარეზებს.

გულშემატკივრებში ასევე დიდ ინტერესს იწვევს კოდი გარბრანდტისა და კაი კარა ფრანსის ორთაბრძოლაც. აბსოლუტური საბრძოლო ჩემპიონატი, UFC 269–ის სახით, ერთ–ერთ გამორჩეულ ღონისძიებას გვპირდება.

შეგახსენებთ, რომ მას შემდეგ, რაც დაუმარცხებელმა ხაბიბ ნურმაგომედოვმა კარიერა დაასრულა, მსუბუქი დივიზიონის ვაკანტური ქამრისთვის ერთმანეთს მაიკლ ჩენდლერი და ჩარლზ ოლივეირა დაუპირისპირდნენ. გამარჯვება ამ უკანასკნელს დარჩა და ის ტიტულს "ბრილიანტთან" ორთაბრძოლით პირველად დეკემბერში, UFC 269–ზე დაიცავს! ჯასტინ გეიჯი კი რომელსაც ბრძოლა მაიკლ ჩენდლერთან ჩაენიშნა აცხადებს, რომ მომავალ მეტოქეს დაამარცხებს და ამის შემდეგ, ოლივეირა – პორიეს გამარჯვებულს შეხვდება.

UFC 269 – ორი სატიტულო ბრძოლა დეკემბერში შედგება

ოლივეირა VS პორიე

ნუნეში VS პენია

ასევე იხილეთ

უახლესი ამბები