ვეტერანთა შორის მსოფლიო ჩემპიონატს ჭიდაობაში საბერძნეთი მასპინძლობს. მოგახსენებთ, რომ ქალაქ ლუტრაკში, საქართველოს ნაკრების ანგარიშზე, უკვე სამივე სინჯის თითო მედალი ფიქსირდება. ჯერჯერობით, მხოლოდ თავისუფალი სტილით მოჭიდავეები ასპარეზობენ. 70კგ წონითი კატეგორიის წარმომადგენელი - ამირან წიქვაძე მსოფლიოს ჩემპიონი გახდა.

მალხაზ როზომაშვილი (78 კგ) ვერცხლს დაეუფლა, ხოლო გივი სიხარულიძე (62 კგ) ბრინჯაოს. C ჯგუფის 100 კილოგრამ წონით კატეგორიაში, მედლები ჯერ არ გათამაშებულა. ამ ჯგუფში ლეგენდარული ქართველი მოჭიდავე - ლუკა კურტანიძე გამოდის. ვეტერანთა შორის ის მსოფლიოს ბოლო სამი ჩემპიონატის გამარჯვებულია და ამჯერად მეოთხე ტიტულისთვის იბრძვის. ის წარმატებით ასპარეზობს და ფინალშიც იმყოფება.

ლუკა კურტანიძე წინა ჯერზე მსოფლიოს ჩემპიონი 130 კილოგრამ წონით კატეგორიაში გახდა. ამჯერად კი 100 კილოგრამში გამოდის და როგორც მოგახსენეთ, ფინალშია სადაც მას კონკურენციას ირანელი ალი საბოური გაუწევს!

მოგახსენებთ, რომ მეოთხედფინალში ლუკამ რუსი რუსლან ასუევის ბარიერი დაძლია. ნახევარფინალში კი ლატვიის წარმომადგენელ იგორს სამუსონოკსი დაამარცხა.

ამირან წიქვაძე მსოფლიოს ჩემპიონია - ლუკა კურტანიძე ფინალში იჭიდავებს

მსოფლიო ჩემპიონატი ვეტერანთა შორის მიმდინარეობს

უახლესი ამბები