ახალგაზრდა ქართველი მებრძოლი, ილია თოფურია, რომელიც MMA-ში დაუმარცხებელია, ახალ მეტოქეს ეძებს. მას ბრძოლის დიდი სურვილი აქვს, თუმცა ქართველ სპორტსმენთან შეხვედრას, ჯერჯერობით ყველა თავს არიდებს.

MMAJUNKIE-ს ცნობით, ილიამ ამჯერად 30 წლის ზაბიტ მაგომედშარიპოვი გამოიწვია. მის სასურველ მეტოქეთა სიაში მოხვდა დენ იგეც. მოგახსენებთ, რომ პროფესიონალურ დონეზე, ზაბიტს 19 ბრძოლა აქვს გამართული და 18 შემთხვევაში გამარჯვებული გახდა. 2019 წლის შემდეგ, ის ოქტაგონზე არ გამოსულა. ბოლოს მან კელვინ კატარი დაამარცხა. შეგახსენებთ, რომ ამ უკანასკნელს 2022 წლის იანვარში, გიგა ჭიკაძე უნდა შეხვდეს. იგე კი დივიზიონის მეცხრე ნომერია და 2021 წელს, ოქტაგონზე ორჯერ ვიხილეთ. მისი უკანასკნელი გამოსვლა წარუმატებელი იყო.

ილიას კი კარიერაში 11 ორთაბრძოლა აქვს მოგებული. დაუმარცხებელ თოფურიას UFC-ში დებიუტი 2020 წლის ოქტომბერში ჰქონდა. მან ყველაზე პრესტიჟულ ორგანიზაციაში ზედიზედ სამი გამარჯვება იზეიმა. ახლა კი მაგომედშარიპოვთან ან იგესთან შეხვედრაც სურს.

ვიცი, რომ ზაბიტს ოქტაგონზე დაბრუნება და მეტოქე სჭირდება. ამიტომ, მას ვიწვევ და ვნახავ, დათანხმდება თუ არა ჩემთან ბრძოლას. ახლა ბევრი ვარიანტია. არ მაინტერესებს თუ ვინ იქნება ჩემი მეტოქე. მე მხოლოდ ის მსურს, რომ შევებრძოლო ისეთ სპორტსმენებს, რომლებსაც დიდი გამოცდილება აქვთ.

მინდა, რომ ისეთ ბრძოლაში მივიღო მონაწილეობა, რომელიც მოტივაციას კიდევ უფრო ამიმაღლებს. ისეთი მოწინააღმდეგე მჭირდება, რომლის დამარცხებითაც დივიზიონის რეიტინგში წინ წავიწევ. არ მინდა დრო ისეთ საქმეში დავკარგო, რომელიც არაფერს შეცვლის. ვიღებ დიდ გამოწვევებს, მივდივარ უფრო მეტ რისკზე და ასეთ დროს, ჯილდოც გაცილებით მეტია.

იგემ ბოლო ბრძოლა წააგო. ახლა კი ვფიქრობ, რომ თუ ჩვენი გზები გადაიკვეთება, ეს კარგი იქნება. რამდენადაც ვიცი, მას სურს, რომ ჩემთან შეხვედრას თავი აარიდოს და ეს ნორმალურია. ის ათეულშია, მე კი მე-15 პოზიციაზე ვიმყოფები. ამიტომ ფიქრობს, რომ ათეულში მყოფს უნდა შეხვდეს, მაგრამ რეალურად კარგად იცის რა მოხდება იმ შემთხვევაში თუ მე შემებრძოლება. ხალხმა იცის, რომ თავს შეგნებულად მარიდებს.

შეგახსენებთ, რომ ამ მომენტისთვის, თოფურია თავის დივიზიონში რეიტინგის მე-15 ნომერი გახლავთ. ამავე წონით კატეგორიაში ასპარეზობს გიგა ჭიკაძეც, რომელიც მერვე ადგილს იკავებს. ქართველი სპორტსმენის სურვილია, რომ მორიგი ბრძოლა 2022 წლის იანვარში გამართოს.

თოფურიამ ორი სასურველი მეტოქე დაასახელა

ილიას ბრძოლის გამართვა სურს

მან ახალი მეტოქე გამოიწვია

ასევე იხილეთ

უახლესი ამბები