23 ოქტომბერს UFC VEGAS 41–ის ეგიდით, აბსოლუტურმა საბრძოლო ჩემპიონატმა მორიგი ღონისძიება დაიწყო, რომელიც ქართველი სპორტსმენის – ზვიად ლაზიშვილის ბრძოლით გაიხსნა. დაუმარცხებელი ქართველის მეტოქე ჯონათან მარტინესი გახლდათ, რომელსაც ამ ბრძოლამდე UFC–ში ოთხი გამარჯვება და სამი მარცხი უფიქსირდებოდა.

ზვიადისთვის კი ეს ყველაზე პრესტიჟულ ორგანიზაციაში სადებიუტო ბრძოლა გახლდათ და რა თქმა უნდა, გამარჯვებით დაწყება მნიშვნელოვანი იყო. აღსანიშნავია, რომ მას ამ ორთაბრძოლაში მონაწილეობა მოულოდნელად შესთავაზეს. მან მონაწილეობაზე თანხმობა შოუმდე სამი დღით ადრე მოუწია და ამის გამო, ცხრა კილოგრამის დაკლება ორ დღეში გახდა საჭირო, რაც საკმაოდ რთული იყო, თუმცა მან ეს მაინც შეძლო.

მოგახსენებთ, რომ ზვიადს თავდაპირველად სექტემბრის დასაწყისში უნდა ებრძოლა, მაგრამ ტრავმის გამო ეს ვეღარ შეძლო და ოქტაგონს დღეს დაუბრუნდა. ლაზიშვილი UFC–ში რიგით მეშვიდე (მოქმედი) ქართველი მებრძოლი გახდა. დღევანდელ ბრძოლას მერაბ დვალიშვილი და ლიანა ჯოჯუაც ესწრებოდნენ. ისინი ზვიადს გულშემატკივრის რანგში ამხნევებდნენ.

პირველი რაუნდი, მეტ–ნაკლებად თანაბარ ბრძოლაში წარიმართა. გამოკვეთილი უპირატესობა არცერთ სპორტსმენს არ ჰქონია. მეორე რაუნდში მებრძოლებმა არაერთი ძლიერი დარტყმები გაცვალეს. მესამე რაუნდში მარტინესი საკმაოდ აქტიური იყო. საბოლოოდ, მსაჯების გადაწყვეტილებით ამ ორთაბრძოლის გამარჯვებულად ჯონათან მარტინესი გამოცხადდა.

ზვიად ლაზიშვილის სპონსორია კროკობეთი!

ზვიად ლაზიშვილმა UFC–ში სადებიუტო ბრძოლა წააგო!

უახლესი ამბები