ავტორიტეტულმა ბრიტანულმა გამოცემა Mirror-მა ძალიან სამწუხარო ინფორმაცია გაავრცელა. ფორმულა ერთის ლეგენდარული ავსტრიელი ჩემპიონი ნიკი ლაუდა 70 წლის ასაკში გარდაიცვალა.

ნიკის ბოლო პერიოდი პნევმონია ტანჯავდა და შარშან ფილტვების გადანერგვის ოპერაციაც კი გაუკეთეს, თუმცა სამწუხაროდ მისი გამოჯანმრთელება ვერ მოხერხდა.

ის სამჯერ (1975, 1977 და 1984 წლებში) იყო მსოფლიოს ჩემპიონი და კარიერის მანძილზე 25 გრან პრის გამარჯვებული გახდა. მისი კარიერის გადამწყვეტი მომენტი კი ნიურნბურგრინგის გრან პრი იყო, სადაც ის მძიმე ავარიაში მოხვდა და დაიწვა. თავდაპირველად ექიმები უიმედოდ იყვნენ, თუმცა მისი მებრძოლი სულის მეშვეობით ის არა მარტო გადარჩა, არამედ მსოფლიოს ჩემპიონის 2 ტიტული მოიპოვა.

ბოლო წლებში ის "მერსედესის" სამეთვალყურეო საბჭოს ხელმძღვანელობდა და გუნდის წარმატება მეტწილად სწორედ მის სახელს უკავშირდება.

ლეგენდარული ნიკი ლაუდა გარდაიცვალა

უახლესი ამბები