ყველაზე მნიშვნელოვან სპორტულ ღონისძიებაზე დასწრება ისეთივე დასამახსოვრებელი ვერ იქნებოდა ადამიანისთვის, რომ არა გადაჭედილი ტრიბუნებისგან გამოწვეული ატმოსფერო, რომელიც თუნდაც კონკურენტი გუნდების ურთიერთდაპირისპირებას დამატებით ხიბლს სძენს.

სპორტული არენები კი ამ სანახაობის უმთავრესი შემადგენელი ნაწილია, რომლიც პირველად ემოციებს გულშემატკივარში ჯერ კიდევ ტრიბუნაზე მოხვედრისთანავე და ღონისძიების დაწყებამდე აღძრავს. მართალია, ყველა სტადიონს თავისი იდენტობა გააჩნია. მაგალითად, დაწყებული ამერიკული ჰოთ-დოგით და დამთავრებული ავსტრალიური ხორცის ღვეზელით, თუმცა მათი უმეტესობა თავს უდიდესი ზომებითა და ტევადობით იწონებს და დღეს სწორედ მსოფლიოს უდიდეს სტადიონების რეიტინგს წარმოგიდგენთ, რომელთა ტევადობაც 100 ათასს აჭარბებს.

11. Melbourne Cricket Ground (MCG) – 100 024

ჩვენს რეიტინგში ყველაზე „პატარა“ სტადიონი ავსტრალიაში მდებარეობს. მელბურნის კრიკეტის არენა, რომელიც ხშირად არის მასპინძლეი ავსტრალიური ფეხბურთისა და კრიკეტის მატჩებისა. გარდა ამისა, კუნძულელების საყვარელმა ეროვნულმა ნაგებობამ არაერთ მნიშვნელოვან ღონისძიებას უმასპინძლა. მათ შორის 1956 წლის ზაფხულის ოლიმპიადასა და 2006 წლის თანამეგობრობის თამაშებს. ამასთან, MCG ყოველწლიურად მასპინძლობს AFL-ის გრანდ ფინალსა და ავსტრალიელთათვის საკულტო Boxing Day Test-ს.

10. Bryant-Denny Stadium – 100 077

Bryant-Denny-ს სტადიონი ტუსკალუსას (ალაბამა) ცენტრში, მდებარეობს და NCAA-ში ალაბამას უნივერსიტეტის საფეხბურთო გუნდის საშინაო არენას წარმოადგენს.

ბოლო ათწლეულის განმავლობაში „ჟოლოსფერი ტალღა“ ამერიკული ფეხბურთის სტუდენტური ლიგის ეტალონად ითვლებოდა. ალაბამას გუნდმა ბოლო რვა ტურნირიდან 5-ში მიიღო მონაწილეობა და აქედან ეროვნული ლიგის გამარჯვებული ოთხჯერ გახდა.

9. Darrell K Royal-Texas Memorial Stadium – 100 119

„Darrell K Royal-Texas Memorial Stadium“-ი ამერიკულ ფეხბურთში NCAA-ის კოლეჯის გუნდის, ტეხას ლონგჰორნის საშინა არენა. იგეგმება, რომ უახლოესი ხუთი წლის განმავლობაში ამ არენას რეკონსტრუცია ჩაუტარდება, ტევადობა კიდევ უფრო გაიზრდება და ის ამერიკის შეერთებულ შტატებში ყველაზე დიდი სტადიონის სახელს დაისაკუთრებს.

ასევე, ამ არენის სავიზიტო ბარათი გახლავთ ელექტრონული ტაბლო სახელწოდებით “გოძილატრონი“, რომლის სიგანეც 41 მეტრი, ხოლო სიმაღლე 25 მეტრს შეადგენს და საერთო ფართით 1,5-ჯერ აღემატება კალათბურთის სტანდარტულ მოედანს.

8. Tiger Stadium – 102 321

„Tiger“-ის სტადიონი ლუიზიანის შტატში, ბატონ რუჟში, მდინარე მისისიპის სანაპიროზეა მდებარეობს და ის ლუიზიანის უნივერსიტეტის საფეხბურთო გუნდის საშინაო არენა გახლავთ.

ამ არენას ხშირად „სიკვდილის ველს“ უწოდებენ. აქ გამართული თამაშები მთელი აშშ-ის მასშტაბით არის ცნობილი, როგორც სათამაშო დღის საუკეთესო ატმოსფერო და ასევე, მეტოქეებისთვის ყველაზე საშიში. ამის დასტურად, 2013 წელს NCAA-მ “Tiger“-ი სტუდენტური ლიგის ყველაზე ხმაურიან სტადიონად დაასახელა.

7. Neyland Stadium – 102 455

„Neyland“-ის სტადიონი ტენესის შტატში, ნოქსვილში მდებარეობს და ის ტენესის უნივერსიტეტის გუნდის საშინაო არენაა. თუ მაინცდამაინც ამერიკული ფეხბურთის მოყვარული არ ხართ, „ნეილენდი“ ხშირად არის პოლიტიკური მიტინგების, რელიგიური შეკრებებისა და კონცერტების მასპინძელი. ცნობისთვის, 1984 წელს აქ „The Jackson Five“-ის კონცერტი გაიმართა.

6. Kyle Field – 102 733

„Kyle Field“-ის სტადიონი NCAA-ს კოლეჯის გუნდის Texas A&M Aggies-ის საშინაო არენა გახლავთ, რომელიც ჰიუსტონიდან დაახლოებით 160 კილომეტში, ტეხასის შტატის ჩრდილო-დასავლეთით მდებარეობს. აშშ-ში ეს კიდევ ერთი სტადიონი გახლავთ, სადაც საშუალო დასწრება იმ ქალაქის მოსახლეობის რაოდენობას აღემატება, სადაც სტადიონი მდებარეობს.

5. Ohio Stadium – 102 780

ოჰაიოს სტადიონი, რომლის მეტსახელიც „ნალი“ გახლავთ, NCAA-ს კოლეჯის გუნდის, ოჰასიო სტეიტ ბაქაიზის საშინაო არენას წარმოადგენს. კოლუმბუსის მოსახლეობას კი ბედნიერება, რომ თავისი გუნდის ჩემპიონოპბა ეხილა, ბოლოს 2014 წელს ჰქონდა, როდესაც „ბაქაიზმა“ ნაციონალური ჩემპიონატის ფინალურ მატჩში ორეგონ დაქსი 42-20 დაამარცხეს.

4. Beaver Stadium – 106 572

„ბივერის“ სტადიონი პენ სტეიტ ნითანი ლაიონსის საშინაო არენა გახლავთ, რომელსაც უმეტესობა მიიჩნევს, რომ აშშ-ის სტუდენტურ სპორტში მოწინააღმდეგე გუნდებისთვის ყველაზე საშიშ ადგილს წარმოადგენს. გასაოცარი კი ის ფაქტი გახლავთ, რომ ამ სტადიონზე საშუალო დასწრება 100 ათასზე ოდნავ ნაკლებს შეადგენს. არენა კი მდებარეობს პენსილვანიის შტატში, ქალაქ სტეიტ კოლეჯში, რომლის მოსახლეობას სულ რაღაც 42 ათასია.

3. Michigan Stadium – 107 601

ჩვენი რეიტინგის სამეულში ყველაზე დაბალ საფეხურზე NCAA-ს კოლეჯის გუნდის, მიჩიგან ვოლვერინსის საფეხბურთო გუნდის საშინაო არენა, “Michigan Stadium”-ია, რომელიც მიჩიგანის შტატში, ან არბორში მდებარეობს და მოფერებით „დიდ სახლს“ ეძახიან.

ეს სტადიონი ამერიკის შეერთებულ შტატებში სიდიდით პირველ ადგილზეა და 1975 წლიდან მოყოლებული, ყველა საშინაო მატჩს 100 ათასზე მეტი გულშემატკივარი ესწრება.

2. Rungrado 1^st of May – 114 000

რაოდენ გასაკვირიც არ უნდა იყოს, ტევადობით ყველაზე მასშტაბურ სტადიონებს შორის მეორე ადგილზე მყოფი არენა მსოფლიოში ყველაზე ჩაკეტილ სახელმწიფოში, ჩრდილოეთ კორეაში მდებარეობს.

სტადიონს მაისის ყვავილის ფორმა აქვს და ის 1989 წელს, როგორც ეროვნული ძალაუფლებისა და ზომის სიმბოლოდ იქნა აშენებული. სტადიონს არაერთი ღონისძიებისთვის უმასპინძია დაწყებული ფეხბურთით და დამთავრებული მძლეოსნობით, თუმცა კი ძირითადად აღლუმებისა და შოუებისთვის გამოიყენებენ, მათ შორის ყოველწლიური ფესტივალის, „არინანის“ ჩასატარებლად.

1. Narendra Modi Stadium – 132 000

2022 წლის მონაცემებით, მსოფლიოში ყველაზე დიდი სტადიონი ინდოეთში მდებარეობს, რომელიც 2020 წლის რეკონსტრუქციის შემდეგ 132 ათას გულშემატკივარს იტევს.

„ნარენდრა მოდის“ რეკონსტრუქცია 2015 წელს დაიწყო და თითქმის ხუთი წელი გაგრძელდა და მის განახლებაზე დაახლოებით 110 მილიონი აშშ დოლარი დაიხარჯა.

„Narendra Modi“ კრიკეტის სტადიონი გახლავთ, რომელიც სარდარ ვალაბჰბჰაი პატელის სპორტულ ამკლავში (აჰმედაბედი, გუჯარიტი, ინდოეთი) მდებარეობს. ის გუჯარატის კრიკეტის ასოციაციის საკუთრებაშია და ხშირად მასპინძლობს ტესტებს, ODI-სა და T20I-ს კრიკეტის მატჩებს.

გარდა კრიკეტისა, სტადიონზე გუჯარატის მთავრობის ორგანიზებით რამდენიმე პროგრამაც გაიმართა. ასევე, „Narendra Modi“-მ 1987, 1996 და 2011 წლებში კრიკეტის მსოფლიო ჩემპიონატის მატჩებს უმასპინძლა. გასულ წელს კი სტადიონზე 14 სატესტო, 24 ODI-სა და ექვსი T20I-ის მატჩი გაიმართა.

ამჟამინდელი დასახელება სტადიონს 2021 წლის 24 თებერვალს მიენიჭა. მანამდე ის „მოტერას“ სახელით იყო ცნობილი და დაახლოებით ერთი წლის წინ მას სახელი ინდოეთის ამჟამინდელი პრემიერ-მინისტრის, ნარენდრა მოდის საპატივსაცემოდ დაარქვეს, რომელიც გუჯარატშია დაბადებული 2009-2014 წლებში ადგილობრივი კრიკეტის ადგილობრივი ასოციაციის პრეზიდენტი გახლდათ.

სწორედ 2021 წლის 24 თებერვალს გაიმართა ისტორიაში პირველი სატესტო მატჩი ინდოეთსა და ინგლისს შორის, რომელიც ვარდისფერი ბურთით ითამაშეს.

მსოფლიოს უდიდესი სტადიონები

სტადიონები, რომელთა ტევადობაც 100 ათასს აჭარბებს

მსოფლიოში ყველაზე დიდი სტადიონი ინდოეთში მდებარეობს

უახლესი ამბები