ქართველი მებრძოლი ლევან ჩოხელი მომდევნო ორთაბრძოლას Bellator 279–ზე გამართავს, რომელიც 23 აპრილს გაიმართება. მას მეტოქედ 29 წლის იაპონელი გოიტი იამაუჩი ეყოლება, რომლის სტატისტიკაც 26 გამარჯვებას და ხუთ მარცხს ითვლის. ხსენებულ ორგანიზაციაში ის 70კგ წონითი კატეგორიის მეოთხე ნომერი გახლავთ.

ხსენებულ ღონისძიებას ჰავაის შტატი უმასპინძლებს. მოგახსენებთ, რომ ჩოხელს პროფესიონალურ კარიერაში 11 ბრძოლა აქვს გამართული, საიდანაც ათ შემთხვევაში გამარჯვების მოპოვება მოახერხა. Bellator–ში ქართველი მესამედ იასპარეზებს. პირველად ის 2021 წლის ივნისში კაილი კრაჩმერს შეხვდა და დამარცხდა, ხოლო შემდეგ ოქტაგონზე დეკემბერში გამოვიდა და ვინისიუს დე ჟესუსი დაჯაბნა. 23 აპრილს დაგეგმილი ღონისძიების პირდაპირ ეთერში ნახვა გულშემატკივრებს Youtube–ის პლატფორმაზე შეეძლებათ. ლევანი კი ეცდება, რომ ქომაგები Bellator–ში მეორე გამარჯვებით გაახაროს.

ლევან ჩოხელი 23 აპრილს იბრძოლებს

ლევანს იაპონელი მეტოქე ეყოლება

უახლესი ამბები