ქართველი მებრძოლი, რომან დოლიძე ოქტაგონზე ბრუნდება. არსებული ინფორმაციით, ის მიმდინარე წლის 19 ივნისს იბრძოლებს.

MMA Odds Breaker-ის მტკიცებით, დოლიძის მეტოქე კაილ დაუკაუსი იქნება, რომელთანაც გარკვეული პერიოდის წინ უნდა ეჩხუბა, მაგრამ აღნიშნული დაპირისპირება არ შედგა.

ამერიკელს 13 ბრძოლა აქვს გამართული, საიდანაც 11 გამარჯვება მოიპოვა, ხოლო 2-ჯერ დამარცხდა. რომან დოლიძის ანგარიშზე კი, 10 ბრძოლაა (9 გამარჯვება, 1 მარცხი).

შეგახსენებთ, ქართველ მებრძოლს კაილ დაუკაუსთან დაპირისპირება 2021 წლის ნოემბერში უნდა გაემართა, თუმცა დოლიძეს COVID-19-თან დაკავშირებული პრობლემების გამო ბრძოლიდან ჩახსნა მოუხდა.

MMA Odds Breaker: „დოლიძე 19 ივნისს იჩხუბებს“

მისი მეტოქე ამერიკელი მებრძოლი იქნება

უახლესი ამბები