სომხეთის დედაქალაქი ერევანი კრივში ევროპის ჩემპიონატს მასპინძლობდა. საქართველო აღნიშნულ ტურნირზე ათ წონით კატეგორიაში იყო წარმოდგენილი, საიდანაც ოთხმა სპორტსმენმა ფინალში გასვლა მოახერხა. დღეს ფინალური შეხვედრები 17:00 საათიდან დაიწყო.

ქართველთა მხრიდან დღეს რინგზე პირველი სახილ ალახვერდოვი (48კგ) გავიდა და ბულგარელ მოკრივეს დაუპირისპირდა. სამრაუნდიანი ბრძოლის შედეგად, საბედნიეროდ ალახვერდოვმა მსაჯების გადაწყვეტილებით გაიმარჯვა და საქართველოს პირველი ოქროს მედალი მოუტანა!

მეორე ოქროს მედალს კი არტიუშ გომცინი შესწვდა. ნაკრების კაპიტანი, ლაშა გურული კი ევროპის ვიცე-ჩემპიონი გახდა. საქართველოს მესამე ოქრო გიორგი ყუშიტაშვილმა მოუტანა, რომელმაც 86კგ წონით კატეგორიაში პირველობა არავის დაუთმო. ეს კი იმას ნიშნავს, რომ ოთხი ქართველი ფინალისტიდან სამმა უმაღლესი სინჯის მედალი მოიპოვა. ეს კი ქართული კრივისთვის ისტორიული შედეგი გახლავთ! ერევანში საქართველოს ეროვნული ჰიმნი დღეს სამჯერ აჟღერდა!

გიორგი ყუშიტაშვილი ევროპის ჩემპიონია - მესამე ოქრო საქართველოს!

საქართველოს ნაკრების აქტივში სამი ოქროს მედალია

უახლესი ამბები