საკმაოდ დიდი ხანია, რაც ცნობილი იუთუბერი, ბლოგერი და უკვე მოკრივე ჯეიკ პოლი ლეგენდარულ მაიკ ტაისონთან შეხვედრის სურვილს გამოთქვამს. ერთ-ერთ გადაცემაში სტუმრობის დროს, "რკინის მაიკს" ამის შესახებ ჰკითხეს და მან განაცხადა, რომ პოლთან შეხვედრით დაინტერესებული თავადაც გახლავთ. ტაისონის თქმით, ის აფასებს პოლის მონდომებას, რომ თავისი სახელი მსოფლიოს გააცნოს და კრივში ადგილი დაიმკვიდროს.

ის გამოდის რინგზე და მეტოქეებს კითხვის ნიშნების გარეშე ამარცხებს. ვფიქრობ, იმსახურებს რომ შანსი მიიღოს და ეს შესაძლოა მიმდინარე წელსვე მოხდეს. გამორიცხული არაფერია. ფული? რა თქმა უნდა, ამ ჩხუბით ჩვენ დიდიძალი თანხის შოვნაც შეგვიძლია, მაგრამ პირველ რიგში მე ჯეიკ პოლის მონდომებას ვაფასებ და მას პატივს ვცემ.

თავად პოლი ლეგენდარული მოკრივის ამ განცხადებას სოციალური ქსელის მეშვეობით გამოეხმაურა.

მადლობა დიდებულ მაიკ ტაისონს პატივისცემისა და ამ შესაძლებლობისთვის. ჩვენ მიმდინარე წლის მიწურულს ამას გავაკეთებთ.

შეგახსენებთ, რომ ჯეიკ პოლს სულ ხუთი ბრძოლა აქვს გამართული და ყოველ ჯერზე მან გამარჯვების მოპოვება შეძლო. ბოლო ორ შემთხვევაში მან UFC-ის ყოფილ ჩემპიონ, ტაირონ ვუდლს აჯობა.

მაიკ ტაისონი VS ჯეიკ პოლი - ბრძოლა წლის ბოლოს შედგება?!

ტაისონმა პოლთან შეხვედრის სურვილი გამოთქვა

უახლესი ამბები