პორტუგალიის გრან-პრის დასკვნით, მესამე საშეჯიბრო დღეს ასპარეზობაში ექვსი ქართველი ძიუდოისტი ჩაერთო: ნიკა ხარაზიშვილი (-90), ავთანდილ ჭრიკიშვილი (-90), ილია სულამანიძე (-100), ერეკლე ბაზიერიშვილი (-100), საბა ინანეიშვილი (+100), ლევან მატიაშვილი (+100).

მედლებისთვის ბრძოლის უფლება მხოლოდ სულამანიძემ და ინანეიშვილმა მოიპოვეს. ილიამ გამოსვლა მეორე წრიდან დაიწყო და პორტუგალიელ დიოგო ბრიტის იპონით მოუგო. ამის შემდეგ მან ავსტრიელი ლაური ბოჰლერი ასევე იპონით დაამარცხა. მეოთხედფინალში ქართველმა ძიუდოისტმა უკრაინელი სავიცკი ჩამოიშორა, რასაც ნახევარფინალში შემდგომ ჩეხ ლუკაშ კრპალეკის დამარცხებაც მოჰყვა. შედეგად, სულამანიძემ ფინალში გააღწია. აქ კი მას უკვე იაპონიელი არაი დოტა ელოდა. სწორედ ამ უკანასკნელმა სძლია მიმდინარე გათამაშების მეოთხედფინალში ერეკლე ბაზიერიშვილს, თუმცა ილიასთან წარმატებას ვერ მიაღწია. შედეგად, სულამანიძე პორტუგალიის გრან-პრის გამარჯვებული გახდა!

ილია სულამანიძის სპონსორია კროკობეთი - მედია პარტნიორი Croco.ge!

სულამანიძე პორტუგალიის გრან-პრის ჩემპიონია!

უახლესი ამბები