უნგრეთის დედაქალაქ ბუდაპეშტში ძიუდოს მორიგი გრან პრი დასასრულს მიუახლოვდა.

საქართველოს ნაკრებმა ტურნირზე შვიდ წონით კატეგორიაში რვა ქართველმა ძიუდოისტმა იჭიდავა, თუმცა მედლები მხოლოდ სამმა მათგანმა მოიპოვა.

ჩვენს ნაკრებს ბუდაპეშტის გრან პრიზე ბოლო მედალი +100კგ წონით კატეგორიაში გელა ზაალიშვილმა შემატა. ბაქოს გრანდ სლემის გამარჯვებული ზაალიშვილი მესამე ადგილისთვის შეხვედრაში უზბეკ ბეკმუდორ ოლტიბოევს დაუპირისპირდა. გელა თავიდან ვაზარით აგებდა, თუმცა შესანიშნავი გდებით მანაც ვაზარი აიღო და ანგარიში გაათანაბრა. შეხვედრის დასრულებამდე 37 წამით ადრე კი ზაალიშვილმა მეტოქე მეორე ვაზარზე დააგდო და ბრინჯაოს მედლის მფლობელიც გახდა.

აღსანიშნავია, რომ ბუდაპეშტში 19 წლის ტატო გრიგალაშვილმა უფროსებში პირველი ოქროს მედალი მოიპოვა, ხოლო ბექა ღვინიაშვილი ბრინჯაოს მედლის მფლობელი გახდა.

საქართველოს ნაკრებმა ბუდაპეშტის გრან პრიზე ასპარეზობა სამი მედლით დაასრულა

უახლესი ამბები