აბუ დაბიში მიმდინარე ძიუდოს მსოფლიო ჩემპიონატის მეორე საშეჯიბრო დღეს, ასპარეზობაში ოთხი ქართველი ფალავანი ჩაერთო, თუმცა სამმა მათგანმა ტურნირზე გამოსვლა უკვე დაასრულა და მედლისთვის მხოლოდ ვაჟა მარგველაშვილი იბრძოლებს.

-66 კილოგრამ წონით კატეგორიაში ქართველმა ძიუდოისტმა პირველი ორთაბრძოლა მეორე რაუნდში გამართა და რუსი მურად ჩოპანოვი შიდოებით დაამარცხა. ხოლო, მომდევნო ეტაპზე ვაჟამ უზბეკ სარდორ ნურილაევს სძლია.

სამწუხაროდ, მეოთხედფინალში მარგველაშვილი იაპონელ ტაკეში ტაკეოკასთან იპონით დამარცხდა და ასპარეზობა რეპეშაჟში გააგრძელა, სადაც პირველი ბრძოლა მონღოლი ერხემბაიარ ბატოგტოხის წინააღმდეგ გამართა და შიდოებით დაამარცხა. ბრინჯაოს მედლისთის კი ქართველი ძიუდოისტი იტალიელ მატეო პირასს შეებრძოლება.

აქვე შეგახსენებთ, რომ გუშინ, 19 მაისს, -60 კილოგრამ წონით კატეგორიაში მსოფლიოს ჩემპიონი გიორგი სარდალაშვილი გახდა.

მარგველაშვილი ბრინჯაოს მედლისთვის იბრძოლებს

მარგველაშვილი მსოფლიო ჩემპიონატზე მეორე მედლის მოგებას ეცდება

უახლესი ამბები