ფორმულა 1-ში 2025 წლის სეზონისთვის ათივე გუნდი სრულად დაკომპლექტდა.

წინა წლებთან შედარებით, შემადგენლობა მხოლოდ ორმა გუნდმა: მაკლარენმა და ასტონ მარტინიმ შეინარჩუნეს. ხოლო, დანარჩენ რვა საჯინიბოში ნაწილობრივი ან სრული ცვლილებები განხორციელდა.

რედ ბულში სერხიო პერესის ადგილს, რომელმაც ავსტრიული გუნდი ვადაზე ადრე დატოვა, ლიამ ლოუსონი დაიკავებს. მერსედესიდან ფერარიში გადასულ ლუის ჰემილტონს კი ანდრეა კიმი ანტონელი შეცვლის. თავის მხრივ, სკიდერია ფერარიდან კარლოს საინსი კარიერას უილიამსში გააგრძელებს.

ზაუბერმა შემადგენლობის სრულად შეცვლა გადაწყვიტა. ვალტერი ბოტასსა და ჟოუ გუანიუს ნიკო ჰიულკენბერგი და გაბრიელ ბორეტოლეტო შეცვლიან.

2025 წლიდან RB რეისინგ ბულზის სახელით გამოვა, რომელის პილოტებიც იუკი ცუნოდა და ფორმულა 2-ის 2024 წლის სეზონის ვიცე-ჩემპიონი, იზაკ აჯარი იქნებიან.

2025 წლის სეზონში გუნდების შემადგენლობა:

მაკლარენი: ლანდო ნორისი, ოსკარ პიასტი

ფერარი: შარლ ლეკლერი, ლუის ჰემილტონი

რედ ბული: მაქს ფერსტაპენი, ლიამ ლოუსონი

მერსედესი: ჯორჯ რასელი, ანდრეა კიმი ანტონელი

ასტონ მარტინი: ფერნანდო ალონსო, ლენს სტროლი

ალპინი: პიერ გასლი, ჯეკ დუენი

ჰაასი: ესტებან ოკონი, ოლივერ ბერმენი

რეისინგ ბულზი: იუკი ცუნოდა, ისაკ აჯარი

უილიამსი: კარლოს საინსი, ალექს ალბონი

ზაუბერი: ნიკო ჰულკენბერგი, გაბრიელ ბორტოლეტო

2025 წლის სეზონისთვის ყველა გუნდი დაკომპლექტდა

ახალი სეზონი სტარტს 14 მარტს აიღებს

უახლესი ამბები