YouTube არხი BDM Collective, რომელიც FlowFlow-ს ეკუთვნის, ახალი პროექტის მეორე ციკლით - One Take-ით გრძელდება.

მისი მიზანია ახალი თაობის ჰიპ-ჰოპ არტისტების აღმოჩენა და მათთვის რეალური განვითარების სივრცის შექმნა.

One Take წარმოადგენს ფორმატს, სადაც არტისტები საკუთარ პერფორმანსებს ასრულებენ. პროექტში მონაწილეობს 17 არტისტი, რომლებიც ერთმანეთთან არა როგორც მეტოქეები, არამედ გამოდიან, როგორც საკუთარი შესაძლებლობების საუკეთესო ვერსიები.

თითოეულ გამოსვლას ჟიური აფასებს. ქულები კი მუდმივად განახლებად ლიდერბორდში ერთიანდება - მიეცი ხმა შენს რჩეულს.

სეზონის ბოლოს გამოვლინდებიან ფავორიტები, რომლებიც FlowFlow-ს მთავარ პროექტში, PVP-ში გადაინაცვლებენ.

მეორე ციკლის პირველი ვიდეო 20 იანვარს, BDM Collective-ის YouTube არხზე განთავსდება. ხოლო, ახალი ეპიზოდები ყოველ სამშაბათს, ხუთშაბათსა და შაბათს დაიდება.

One Take შეიძლება იქცეს პლატფორმად, რომელიც ახალ თაობას კარიერის დაწყებაში დაეხმარება და ქართული ჰიპ-ჰოპის განვითარებაში ახალ საფეხურს შექმნის.

One Take | მიეცი ხმა რჩეულს

უახლესი ამბები