19 აგვისტოს, კურორტ ბახმაროში, ტრადიციული დოღი - “ბახმაროს თასი 2019“ გაიმართა. კურორტზე სეზონი 19 აგვისტოს, ფერისცვალებას იხურება და ტრადიციული დოღიც 30-იანი წლებიდან დღემდე სწორედ ამ დღესასწაულზე ტარდება.

აღსანიშნავია, რომ მონაწილეობას სხვადასხვა რეგიონებიდან ჩასული ცხენოსნები იღებდნენ.

ზუგდიდის საცხენოსნო კლუბ "ხარებას" ცხენოსანმა საბა ეხვაიამ "ბახმაროს თასი 2019-ში" გრან-პრი მიიღო. კლუბის ცხენმა "ლიმონამ" 4 800 მეტრიანი გარბენში გაიმარჯვა. მხედარი 2 500 ლარით და ლეპტოპით დაჯილდოვდა.

საცხენოსნო კლუბი “ხარება“ მამა იაკობის უდიდესი შრომისა და ბარიერების გადალახვის ხარჯზე გახდა წარმატებული. მისმა შეუდრეკელმა ხასიათმა და საქმისადმი სიყვარულმა გამოიწვია ის, რომ ინფრასტრუქტურული პრობლემები სხვა მნიშვნელოვან საკითხებთან ერთად მოგვარებულია.

საბა ეხვაიამ Croco.ge-სთან საინტერესო თემებზე ისაუბრა:

“6 წლის წინ გვაჩუქეს ჯიშიანი ცხენი , რომელიც არაპროფესიონალური მიდგომის გამო ორსულობას გადაჰყვა, ამან უფო დიდი დაინტერესება გამოიწვია და შევიძინეთ ახალი ცხენი მარნეულის ცხენსაშენიდან, რამაც დიდი ბიძგი მისცა ამ საცხენოსნო კლუბის ჩამოყალიბებას.

ცხენმა იმდენად მიგვიჩვია , რომ მცირე დროის შემდეგ მეორე , სუფთა სისხლის ინგლისური ცხენი შევიძინეთ,შემდგომში კი გამოჩდნენ ადამიანები, რომლებმაც ამ ყველაფერს სპორტული ინტერესებისკენ გვიბიძგეს. გვაჩუქეს სუფთა სისხლის ინგლისური ულაყი, რომელსაც აზერბაიჯანის იპოდრომზე უმნიშვნელოვანესი დოღები აქვს მოგებული და ბოლო 4 წლის განმავლობაში საქართველოს უდაო ჩემპიონია, ცხენი სახელად “ფოთი”.

ჩემი ინტერესი ამ საქმიანობისადმი გაჩნდა , როდესაც პირველად დავესწარი დოღს. მაშინ რაღაც უცხო ვიგრძენი, და ამ გრძნობისადმი ლტოლვამ, რომელსაც ცხენი გადასცემს მხედარს , მომიყვანა აქამდე. დავიწყეთ სპორტული მოღვაწეობა, დავიმატეთ სპორტული ,ასევე საცხენოსნო სკოლისთვის საჭირო ცხენები, გვერდში დაგვიდგნენ პროფესიონალი მწვრთნელები თავიანთი ენთუზიაზმით, რათა ეს საცხენოსნო სპორტი აღორძინებულიყო სამეგრელოში.

დავრეგისტრირდით საცხენოსნო კლუბად, გავხსენით სკოლა და ვზრდით სულიერად , ფიზიკურად ჯანმრთელ მომავალს. ვემსახურებით ისეთი ფორმით დაავადებულ მოზარდებსა და ადამიანებს, რომლებზაც ცხენი დიდ დახმარებას უწევს, ასევე ტურისტებისთვის ვაწყობთ ტურებს ბუნების წიაღში.

დღესდღეობით გვაქვს ინფრასტრუქტურულად მოწყობილი თავლები , სავარჯიშო მანეჟები, ვწვრთნით ცხენებს დოღებსა და კლასიკურ სახეობაში (ბარიერების გადალახვა).

გვყავს 7 სპორტული და 8 სკოლისთვის განკუთვნილი ცხენი. ამ საქმის აღორძინების და ჩამოყალიბების მთავარი ღერძი გახლავთ მამა იაკობ ეხვაია, რომელმაც ეს ყველაფერი დიდი წინააღმდეგობებით , დაბრკოლებებით , ფინანსური პრობლემებით დატვირთულ გარემოში შეძლო“, - საბა ეხვაია.

საცხენოსნო სკოლა “ხარება“ და მისი დაუმარცხებელი მხედარი

უახლესი ამბები