2019 წლის რაგბის მსოფლიო თასის მასპინძელმა იაპონიამ 2020 წლის ივლისისთვის ფინალისტ ინგლისის ნაკრებთან ტესტ-მატჩები დაგეგმა.

როგორც ირკვევა, 4 ივლისს პირველი შეხვედრა იოტაში გაიმართება. იქ, სადაც ინგლისელებმა ავსტრალია დაამარცხეს, ხოლო მეორე ტესტ-მატჩს 11 ივლისს კობე უმასპინძლებს. "ვარდებმა" იქ ამერიკელების დამარცხება მოახერხეს.

"იაპონიამ მსოფლიო თასს შესანიშნავად უმასპინძლა. ჩვენი ნაკრებისთვის ამ ქვეყანაში სტუმრობა დიდი პატივი იყო. ყველანი აღფრთოვანებულნი დავრჩით. 2019 წლის მსოფლიო თასზე იაპონიამ ყველას დაუმტკიცა, რომ მათ ერთ-ერთი საუკეთესო გუნდი ჰყავთ. მომავალი წლის ივლისში ჩვენ აქ ისევ დავბრუნდებით და მჯერა, რომ წინ საინტერესო და სანახაობრივი მატჩები გველის." - განაცხადა ედი ჯოუნსმა.

იაპონია და ინგლისი ერთმანეთს 2-ჯერ შეხვდნენ და ყველა შემთხვევაში გამარჯვება "ვარდებს" დარჩათ. უკანასკნელი დაპირისპირება ამ გუნდებს შორის 2018 წელს გაიმართა და იაპონელები 35:15 დამარცხდნენ.

იაპონიამ ინგლისთან ტესტ-მატჩები დაგეგმა

ასევე იხილეთ

უახლესი ამბები