ისრაელ ფოლაუმ და ავსტრალიის რაგბის კავშირმა შეთანხმებას მიაღწიეს
ავსტრალიის ეროვნული ნაკრების ყოფილი მორაგბე კავშირისგან 14 მილიონ დოლარს ითხოვდა

მიმდინარე წლის აპრილში სოციალურ ქსელში განთავსებული დისკრიმინაციული პოსტისთვის, "უოლაბების" ვარსკვლავი, ისრაელ ფოლაუ ავსტრალიის რაგბის კავშირმა ეროვნული ნაკრებიდან მოკვეთა.

სანაცვლოდ, კონტრაქტის გაწყვეტისთვის ფოლაუმ ავსტრალიური რაგბის მმართველი ორგანოს უჩივლა და მათგან კომპენსაციის სახით 14 მილიონ ავსტრალიურ დოლარს ითხოვდა. მისი განმარტებით, იგი რელიგიური დისკრიმინაციის მსხვერპლი გახდა.

თუმცა საბოლოოდ, როგორც აღმოჩნდა, ისრაელ ფოლაუ და ავსტრალიის რაგბის კავშირი მოლაპარაკებების მაგიდასთან დასხდნენ და შეთანხმდნენ კიდეც. ფოლაუმ კავშირისგან კონტრაქტის გაწყვეტისთვის თანხა მაინც მიიღო, თუმცა ავსტრალიური რაგბის მმართველი ორგანო 14-მილიონიან ზარალს გადაურჩა.

The usual dimwits will be beside themselves but this is a great day for free speech & religious freedom in Australia...and a warning to any employers who want to overreach & impose their beliefs/politics on employees. https://t.co/TGMle4FkbV
— Rita Panahi (@RitaPanahi) December 4, 2019

აღსანიშნავია, რომ თავად მორაგბე ავსტრალიის რაგბის კავშირისგან მიღებული თანხის რაოდენობას არ ასახელებს.

შეგახსენებთ, რომ ისრაელ ფოლაუმ სოციალურ ქსელში მსგავსი შინაარსის პოსტი დადო: "ლოთებს, ჰომოსექსუალებს, მოღალატეებს, მატყუარებს, მეძავებს, ქურდებს, ათეისტებსა და კერპთაყვანისმცემლებს ჯოჯოხეთი ელით და მათი გადარჩენა მხოლოდ ღმერთს შეუძლია".

ასევე იხილეთ: ავსტრალიას ახალი მწვრთნელი ჰყავს

ფოლაუ და ავსტრალიის რაგბის კავშირი შეთანხმდნენ

უახლესი ამბები