"ახალი ზელანდია XV" - მეორე დონის ნაკრების რებრენდინგი დასრულებულია
ფედერაციამ აღნიშნული ინფორმაცია ოფიციალურად დაადასტურა

აქამდე ეს გუნდი ცნობილი იყო როგორც "ახალი ზელანდია ა", თუმცა ამიერიდან მათ ერქმევათ "ახალი ზელანდია XV" / "ოლ ბლექს XV". შეიცვალა სახელწოდება, თუმცა შინაარსი უცვლელი დარჩა.

ამ გუნდში ითამაშებენ ის მორაგბეები, რომლებიც მთავარ გუნდში ვერ ხვდებიან, თუმცა საერთაშორისო დონეზე თამაშს ნამდვილად იმსახურებენ. როგორც ახალზელანდიური რაგბის ხელმძღვანელი, ნაიჯელ კასი აცხადებს, ახალი გუნდის საჭიროება იყო იმისთვის, რომ მოთამაშეებს ხელი შეუწყონ განვითარებაში და ამ ყველაფრით მათ უფრო მეტი შანსი ექნებათ ძირითად ნაკრებში მოსახვედრად.

New Zealand Rugby unveils second-tier national team, to be branded 'All Blacks XV' https://t.co/R79mNy5qYT pic.twitter.com/3LcRqny7jx
— Rugby Heaven (@NZRugbyHeaven) March 9, 2020

"მინდა გაცნობოთ, რომ "ოლ ბლექს XV" იქნება ჩვენი მეორე ნაკრები და მასში საუკეთესო ახალგაზრდა მორაგბეები ითამაშებენ, რომლებიც ამ მომენტისთვის ვერ ახერხებენ მთავარ გუნდში მოხვედრას. ყოველივე ამით, მათ შანსი ეძლევათ, რომ საკუთარი თავი მსოფლიოს გააცნონ და გზა გაიკაფონ ძირითად გუნდში მოსახვედრად. მოგეხსენებათ, რომ ჩვენს ნაკრებში კონკურენცია ძალიან დიდია და იქ თამაშს საუკეთესოთა შორის საუკეთესოები იმსახურებენ", – განაცხადა ნაიჯელ კასმა.

დიდი ალბათობით, მეორე გუნდი პირველ შეხვედრას ოქტომბერში გამართავს. მისი მეტოქე სავარაუდოდ ფიჯის ნაკრები იქნება. "ოლ ბლექს XV" შემოდგომის ტესტებისთვის შეიკრიბება. ტურნე კი ჩრდილო ნახევარსფეროში გაიმართება.

ასევე იხილეთ: VIDEO | სუპერ რაგბის მეექვსე ტურის ტოპ ხუთი ლელო

ახალ ზელანდიას მეორე დონის ნაკრები ეყოლება !

ასევე იხილეთ

უახლესი ამბები