უელსური სკარლეტსი COVID-19-თან ბრძოლაში ერთვება
კლუბი მზადაა პანდემიით დაზარალებულებს დაეხმაროს

გავრცელებული ინფორმაციის თანახმად, სკარლეტსის ხელმძღვანელები ჯანმრთელობის საბჭოსთან აქტიურად თანამშრომლობენ. ისინი მზად არიან, რომ მათი სტადიონი "პარკ სკარლეტსი" დროებით საავადმყოფოდ გადააკეთონ.

აღნიშნული მოედანი 14,800 მაყურებელს იტევს. მსოფლიოში მიმდინარე პროცესების გამო, შესაძლებელია, რომ იქ 500 საწოლი დამონტაჟდეს, რომელიც პაციენტებს მოემსახურება.

“Community has always been a huge part of what the Scarlets is about and in unprecedented times like these communities stick together."

How Parc y Scarlets is offering help during COVD-19 #StayHome

Parc y Scarlets i helpu'r GIG yn ystod COVID-19https://t.co/eC8e6kODjc pic.twitter.com/I7J6h8eToT
— Scarlets Rugby (@scarlets_rugby) March 23, 2020

"გვსურს გაცნობოთ, რომ ჩვენი გუნდისთვის საზოგადოება ყოველთვის ძალიან მნიშვნელოვანი იყო. ასეთ რთულ დროს კი ვალდებულნი ვართ, ერთიანები ვიყოთ.

ჯანდაცვის წარმომადგენლები ყოველდღიურად ურთულეს პირობებში მუშაობენ. ისინი ნამდვილი გმირები არიან და მოხარულნი ვართ, რომ შეგვიძლია მათ გარკვეული დახმარება გავუწიოთ. ყველას მოგიწოდებთ, რომ გაითვალისწინოთ რეკომენდაციები. მაქსიმალურად ეცადეთ სახლში დარჩეთ და მოგზაურობისგან თავი შეიკავეთ.

მსოფლიო გლობალური გამოწვევის წინაშე დგას და გამარჯვებას მხოლოდ იმ შემთხვევაში შევძლებთ თუ ერთიანობას გამოვავლენთ. პასუხისმგებლობა თითოეულმა ჩვენგანმა უნდა იგრძნოს", – განაცხადა ჯონ დანიელსმა.

უელსში კორონავირუსი 400-ზე მეტ ადამიანს დაუდასტურდა და 16 პაციენტი "მკვლელმა ვირუსმა" უკვე იმსხვერპლა.

ასევე იხილეთ: ინგლისში სარაგბო სეზონი დასრულებულია!

სკარლეტსი მზადაა სტადიონი საავადმყოფოდ გადააკეთოს

ასევე იხილეთ

უახლესი ამბები