იტალიაში სარაგბო სეზონი ანულირებულად გამოცხადდა
მიზეზი კორონავირუსია

იტალიური რაგბის ისტორიაში უპრეცედენტო და ისტორიული გადაწყვეტილება მოიღეს. მიმდინარე სეზონი გაუქმებულია, რაც იმას ნიშნავს, რომ წელს არც გამარჯვებული იქნება, არც არავინ დაქვეითდება და აღზევდება.

უკანასკნელად 1944–45 წლებში, მეორე მსოფლიო ომის დროს მოხდა ისე, რომ სეზონი ვერ ჩატარდა. საბჭომ ყრილობა 26 მაისს გამართა, სადაც ამ საკითხზე იმსჯელეს და საბოლოოდ 2019–20 წლების სეზონი გაუქმებულად გამოცხადდა. ჯერჯერობით უცნობია ისიც თუ როდის დაიწყება 2020–21 წლების გათამაშება.

.@Federugby announce full cancellation of 2020 Italian season due to #coronavirus chaos. https://t.co/WOtO6fjZnt
— RUGBYcomau (@rugbycomau) March 27, 2020

თავდაპირველი გადაწყვეტილებით იტალიაში სარაგბო სეზონი სამ აპრილამდე უნდა გადადებულიყო, თუმცა ევროპაში იტალია გახდა ქვეყანა, სადაც კორონავირუსი ყველაზე მეტად გავრცელდა, შესაბამისად გარდაცვლილთა და ინფიცირებულთა რიცხვიც ამ კონტინენტზე ყველაზე მაღალი სწორედ ამ ქვეყანაშია დაფიქსირებული.

სამწუხარო რეალობა კი ასეთია. COVID–19 ყოველდღიურად სულ უფრო მეტი ადამიანის სიცოცხლეს ფატალურად ასრულებს. დადასტურებული შემთხვევებიც მატულობს და საუბედუროდ პოზიტიური პროგნოზიც არ კეთდება.

ბოლო მონაცემებით, იტალიაში 92472 ადამიანია დაინფიცირებული. გარდაიცვალა 10023 პაციენტი და გამოჯანმრთელებულთა რიცხვმა 12384–ს მიაღწია. იტალიამ დიდი ხანია ამ მონაცემებით ჩინეთს გადაასწრო და მასზე უფრო რთული მდგომარეობა ამჟამად მხოლოდ ამერიკას აქვს, სადაც 112468 ადამიანს კორონავირუსი დაუდასტურდა.

ასევე იხილეთ: უელსის ნაკრების სტადიონზე საავადმყოფო მოეწყობა

უპრეცედენტო გადაწყვეტილება იტალიურ რაგბიში

ასევე იხილეთ

უახლესი ამბები