ინგლისის პრემიერშიპი პანდემიის გამო შეჩერებულია
დიდი ალბათობით ტურნირი ივლისში განახლდება

მარტის თვეში, ინგლისის რაგბის კავშირის აღმასრულებელმა დირექტორმა, ბილ სვინმა გაავრცელა წერილი, სადაც ნათქვამი იყო, რომ ინგლისში სარაგბო სეზონი დასრულდა, თუმცა ეს არ ეხებოდა მხოლოდ პრემიერშიპს.

მაშინ COVID-19–ის გავრცელების ეპიცენტრში ევროპა იმყოფებოდა. ორგანიზატორებმა კი ტურნირი ხუთი კვირით გადადეს, თუმცა დარწმუნებულები არ იყვნენ, რომ ეს პერიოდი საკმარისი იქნებოდა, რადგან ვირუსი სწრაფ გავრცელებას განაგრძობდა და ქვეყანა საგანგებო რეჟიმში ცხოვრობდა. სიტუაცია ბოლომდე განმუხტული დღესაც არ არის და დაინფიცირების შემთხვევები ყოველდღიურად მატულობს.

Premiership clubs working towards resuming 2019-20 season in July https://t.co/Ekui4BH7HT
— BBC News England (@BBCEngland) April 21, 2020

ახლა კი ვრცელდება ინფორმაცია, რომ კლუბებს ზაფხულში დაბრუნების იმედი აქვთ. ივარაუდება, რომ პრემიერშიპი სამ ივლისს დაბრუნდება. სავარაუდოდ, მატჩების შუა კვირაში ჩატარების აუცილებლობაც შეიქმნება.

პირველი შეხვედრის გამართვამდე, გუნდები ერთ თვიან ვარჯიშებს გაივლიან. იმ შემთხვევაში თუ ყველაფერი გეგმის მიხედვით წარიმართება და კორონავირუსი სპორტს ხელს არ შეუშლის, ფინალი 15 აგვისტოს "თვიქნემზე" გაიმართება, თუმცა ასეთ შემთხვევაში კლუბებმა და ტელევიზიებმა შეთანხმებას უნდა მიაღწიონ.

აქვე შეგახსენებთ, რომ კორონავირუსის გამო გადადებულია ისეთი მსხვილი სარაგბო ტურნირი, როგორიცაა ექვსი ერი. ვირუსმა დღისწესრიგი შეუცვალა სპორტის სხვა სახეობებსაც. ATP–ის & WTA–ის ერთობლივი გადაწყვეტილების მიხედვით, ჩოგბურთი რვა ივნისამდე შეჩერებულია. მეორე მსოფლიო ომის შემდეგ პირველად მოხდა ისე, რომ უიმბლდონი არ იმართბა. გაუქმებულია NBA–ის მატჩებიც, ფეხბურთში ერთი წლით გადაიდო ევროპის ჩემპიონატი და კოპა ამერიკა. ასევე ერთი წლით გადაიდო ტოკიოს ოლიმპიადაც.

გაერთიანებულ სამეფოში ბოლო მონაცემებით COVID-19 სულ 149,569 ადამიანს დაუდასტურდა. მათგან 20,381 შემთხვევა ფატალურად დასრულდა.

ასევე იხილეთ: ჯონი მეი ლესტერ ტაიგერსს ტოვებს და ყოფილ კლუბს უბრუნდება

ინგლისის პრემიერშიპი სავარაუდოდ ზაფხულში განახლდება

ასევე იხილეთ

უახლესი ამბები