ტოპ 14–ის მიმდინარე სეზონი გაუქმდება
საფრანგეთში საფეხბურთო სეზონი უკვე ოფიციალურად გააუქმეს

ქვეყნის პრემიერ–მინისტრმა, ედუარდ ფილიპმა განაცხადა, რომ კორონავირუსისგან გამოწვეული პანდემიის გამო, სპორტული ღონისძიებების განახლება სექტემბრამდე შეუძლებელია.

აღნიშნული განცხადების შემდეგ, ცნობილი გახდა, რომ საფრანგეთში საფეხბურთო ჩემპიონატი შეწყდა და ლიგა 1–ის გამარჯვებულად სატურნირო ცხრილის სათავეში მყოფი პსჟ გამოცხადდება. ინფორმაცია საფრანგეთის ფეხბურთის ფედერაციის პრეზიდენტმა, ნოელ ლე გრემ დაადასტურა.

პრემიერ–მინისტრის განცხადებამდე ცნობილი იყო, რომ იმ შემთხვევაში თუ მიმდინარე სეზონი ჩაიშლებოდა, პრო D2-დან ორი გუნდი აღზევდებოდა, არავინ დაქვეითდებოდა და მომდევნო წელს გამონაკლისის სახით ტურნირი ტოპ 16–ის სახეს მიიღებდა.

მიმდინარე სეზონში 17 ტურის გამართვა მოესწრო. პლეი ოფის მატჩებამდე დარჩენილი იყო კიდევ ცხრა ტური. 61 ქულით გათამაშებას ბორდო ლიდერობდა, ხოლო მოქმედი ჩემპიონი ტულუზა 40 ქულით მეშვიდე პოზიციას იკავებდა.

საფრანგეთის ნაციონალური რაგბი 2019–20 წლების სეზონის განახლებას გეგმავდა, რომელიც აგვისტოს ბოლოს უნდა დასრულებულიყო, თუმცა ედუარდ ფილიპის მიერ გაკეთებული განცხადების შემდეგ, ეს შეუძლებელი გახდა. ფედერაცია 38 მილიონ დოლარს გამოჰყოფს, რათა კლუბებს ფინანსური დახმარება გაუწიოს.

შეგახსენებთ, რომ სარაგბო სეზონი გაუქმებულად გამოაცხადეს ინგლისშიც, თუმცა აღნიშნული იქ არ შეეხო მხოლოდ პრემიერშიპს. ივარაუდება, რომ მისი განახლება ზაფხულში მოხდება.

ასევე იხილეთ: ღირსეული საქციელი | ბაკარი საავადმყოფოებს ალაგებს

ტოპ 14–ის და პრო დ2–ის მიმდინარე სეზონები უქმდება

ასევე იხილეთ

უახლესი ამბები