მონპელიე პიტერ–სტეფ დუ ტოის ზღაპრულ კონტრაქტს სთავაზობს
მორაგბეს გადაწყვეტილება ჯერაც არ მიუღია

Pressreader–ის ცნობით, ტოპ 14–ის ბინადარი მონპელიე მზადაა მსოფლიო ჩემპიონი და 2019 წლის საუკეთესო მორაგბე პიტერ–სტეფ დუ ტოი სპორტის ამ სახეობაში ყველაზე მაღალანაზღაურებადი გახადოს.

როგორც ირკვევა, ფრანგები სპრინგბოკსის და სტორმერსის მესამეხაზელს სამ წლიან კონტრაქტს სთავაზობენ და ყოველთვიურად ანაზღაურების სახით 100,000 ევროს გადახდას ჰპირდებიან, რაც ჯამში 3,6 მილიონი გახლავთ.

ცნობილია, რომ პროფესიონალმა სამხრეთ აფრიკელმა მორაგბეებმა 21 დღიანი ვადა მიიღეს, რათა ამჟამინდელ კლუბებთან კონტრაქტები გაწყვიტონ და გაუმჯობესებული პირობების მქონე გუნდებს შეუერთდნენ.

ეს კი იმას ნიშნავს, რომ დუ ტოის გადაწყვეტილების მიღება 14 მაისამდე მოუწევს. როგორც ირკვევა, აღნიშნულ საკითხთან დაკავშირებით გასული წლის საუკეთესო მორაგბე კონსულტაციებს თავის აგენტთან გადის.

"ჩვენ მოსაფიქრებლად დრო გვჭირდება. ვადები განსაზღვრულია და ამ პერიოდის განმავლობაში შემოთავაზებას დეტალურად განვიხილავთ. არ მსურს ავჩქარდე. საბოლოო გადაწყვეტილებას მას შემდეგ მივიღებ, როცა ყველა დეტალს გავაანალიზებთ", – ამბობს პიტერ–სტეფ დუ ტოი.

ასევე იხილეთ: ტოპ 14–ის და პრო დ2–ის მიმდინარე სეზონები უქმდება

პიტერ–სტეფ დუ ტოიმ მონპელიესგან მაცდური შეთავაზება მიიღო

ასევე იხილეთ

უახლესი ამბები