საქართველო რაგბი ევროპის ჩემპიონი ერთი ტურით ადრე გახდა
"გვინდა, საქართველოს ვეთამაშოთ და ჩემპიონატი ასე დავასრულოთ"

საქართველოსა და რუსეთის მორაგბეთა ნაკრებებს შორის გასამართი მატჩი გაურკვეველი ვადით გადაიდო.

12 მარტს "რაგბი ევროპის" ოფიციალურ გვერდზე გამოქვეყნდა განცხადება, სადაც ნათქვამი იყო, რომ კორონავირუსის გავრცელების გამო, 15 აპრილამდე ყველა დაგეგმილი მატჩი გადაიდო, მათ შორის საქართველო-რუსეთიც. 10 აპრილს კიდევ ერთი განცხადება გავრცელდა, სადაც ითქვა, რომ რაგბი ევროპის მატჩები გაურკვეველი ვადით გადაიდო.

შეგახსენებთ, რომ ქართველებმა ზედიზედ ოთხი მატჩი მოიგეს და 2020 წლის რაგბი ევროპის ჩემპიონები ერთი ტურით ადრე გახდნენ, შესაბამისად, რუსეთთან მატჩით ჩვენი ნაკრებისთვის არაფერი შეიცვლება. სამაგიეროდ, საქართველოსთან თამაში ძალიან სურთ რუსებს.

რუსეთის რაგბის კავშირის უმაღლესი საბჭოს თავმჯდომარის, იგორ არტემევის თქმით, რუსეთის ნაკრებს რაგბი ევროპის გათამაშების დასრულება სურს.

Игорь Артемьев: российские регбисты хотят доиграть ЧЕhttps://t.co/naBYWFhVxq pic.twitter.com/CZrgtORDbQ
— РИА Новости Спорт (@rsportru) April 30, 2020

"ცუდად დავიწყეთ, მაგრამ ამის შემდეგ გარკვეული ცვლილებები მოვახდინეთ და ბოლო ორ მატჩში მორაგბეებმა კარგად ითამაშეს. თუ პორტუგალიასთან არ გაგვიმართლა, რუმინეთს დამაჯერებლად მოვუგეთ. რუმინეთის ნაკრები კი სუსტი მეტოქე ნამდვილად არ არის. გვინდა ჩემპიონატი დავასრულოთ და საქართველოსთან ვითამაშოთ.

ჩვენი მთავარი პრობლემა მორაგბეების ასაკია, ამიტომ თაობათა ცვლას გარკვეული დრო დასჭირდება. ჩემი აზრით, პრობლემები მანამ გვექნება, სანამ მოთამაშეთა საშუალო ასაკი 26-27 წელი არ იქნება. ახლა სწორედ ამას ვცდილობთ", - განაცხადა არტემევმა.

ასევე იხილეთ: “ეს პრივილეგია იყო...“ - სარაგბო სამყარო გორგოძეს ემშვიდობება

რუსეთის ნაკრებს საქართველოსთან მატჩი ძალიან სურს

ასევე იხილეთ

უახლესი ამბები