მსოფლიო რაგბიმ თამაშის წესის შეცვლა გადაწყვიტა
გადაწყვეტილება უკვე ოფიციალურად დადასტურდა

საპრეზიდენტო არჩევნების დასრულების შემდეგ, ახალი ბორდი მუშაობას შეუდგა და საბოლოოდ დადასტურდა, რომ თამაშის წესებში ცვლილება შევიდა. ამის შესახებ ინფორმაცია მსოფლიო რაგბის ოფიციალურ ვებ–გვერდზე გამოქვეყნდა.

როგორც ირკვევა, ამიერიდან ლელო აღარ ჩაითვლება, როცა მორაგბე ბურთს კარების შალითას (ძელს) მიადებს. ამ ყველაფრის მიზეზად კი ის დასახელდა, რომ მცველისთვის შალითის დაცვა საკმაოდ რთული და ამავდროულად სარისკოა.

World Rugby announces law amendment relating to scoring against the post protector https://t.co/PREf6EkpmV
— Kenya Rugby (@OfficialKRU) May 12, 2020

"ჩვენი მისია იმაში მდგომარეობს, რომ რაგბის თამაში გახდეს მაქსიმალურად მარტივი და უსაფრთხო. აღნიშნული ცვლილების მიზანიც სწორედ ეს გახლავთ. მოგეხსენებათ, რომ მორაგბეები, რომლებიც თავს ლელოსგან იცავენ, ხაზს მიღმა იმყოფებიან. ასეთ სიტუაციაში კი პრაქტიკულად შეუძლებელი ხდება შალითის გარე პერიმეტრის დაცვა.

ეს ყველაფერი კი უსაფრთხო არ არის. ჩვენი ვალია, მინდორზე თითოეულიმა სპორტსმენმა თავი დაცულად იგრძნოს. შემტევი გუნდები ვეღარ შეძლებენ, რომ შალითაზე (ძელზე) ბურთის მიდებით, ლელო მიითვალონ. ახალი წესი დამცველ გუნდს უფრო მეტ შანსს მისცემს, რომ შეტევა მოიგერიოს", – ნათქვამია განცხადებაში.

სტატიას, რომელიც მსოფლიო რაგბის ვებ–გვერდზე გამოქვეყნდა, მთავარ ფოტოდ მამუკა გორგოძის ლელო ერთვის, რომელიც მან ტონგასთან მატჩში დადო. შეგახსენებთ, რომ იმ მომენტში, ჩვენებურმა ბურთი სწორედ კარის შალითასთან დადო და "ბორჯღალოსნებმა" იმ დაპირისპირებაში პირველი ლელო მიითვალეს.

ასევე იხილეთ: საქართველო, გერმანია, რუმინეთი - იტალიამ 6 ერი უნდა დატოვოს!

მსოფლიო რაგბიმ თამაშის წესი შეცვალა

ასევე იხილეთ

უახლესი ამბები