ალან მაკაკა დაიღუპა
მორაგბე ავტოკატასტროფაში მოხვდა

ცნობილი გახდა, რომ კენიის 7–კაცა ნაკრების გამორჩეული წევრი, ალან მაკაკა ავტოკატასტროფას ემსხვერპლა. როგორც ირკვევა, ტრაგედია კენიის დედაქალაქ ნაირობში მოხდა.

ყოფილ მორაგბეს, რომელიც 37 წლის იყო, დაღუპვის შემდეგ მეუღლე და ორი შვილი დარჩა. მაკაკამ მსოფლიო რაგბის სერიებში 57 შეხვედრა ჩაატარა და 28 ლელოს დადებაც მოახერხა. 2005 წელს ის ასევე მონაწილეობდა 7–კაცა რაგბის მსოფლიო თასზე. მას შემდეგ, რაც მან კარიერა დაასრულა, ბიზნეს მენეჯერი გახდა. აღნიშნული ინციდენტი ორი დღის წინ, 23 მაისს მოხდა.

We are deeply saddened by the death of former #Kenya7s International player Allan Makaka who passed away today in a tragic road accident. Our most sincere condolences goes out to his family and friends. Rest in Peace Champ.

📷 @GettyImages pic.twitter.com/LCHjBnSLUX
— Shujaa Pride 🇰🇪 (@kenya_7s) May 23, 2020

"მწუხარებას გამოვთქვამთ ალან მაკაკას გარდაცვალების გამო. ჩვენ შევიტყვეთ მომხდარი ტრაგედიის შესახებ, რომელიც ავტოსაგზაო შემთხვევის გამო მოხდა. ჩვენ ვუთანაგრძნობთ მის ოჯახის წევრებსა და ნათესავებს.

ალანი შესანიშნავი პიროვნება იყო, რომელის დაღუპვამ უდიდესი დარტყმა მოგვაყენა. რაგბის საზოგადოებას მაკაკა ყოველთვის ემახსოვრება, როგორც ნამდვილი პროფესიონალი, რომელიც თავისი გუნდის წარმატებისთვის ყოველთვის მაქსიმალურად იხარჯებოდა. ძალიან ვწუხვართ მომხდარის გამო", – აცხადებენ კენიის რაგბის კავშირში.

ფიჯელი ლეგენდა, ვაისალე სერევი აცხადებდა, რომ ალან მაკაკა იყო ყველაზე სწრაფი მორაგბე, რომელიც მას ოდესმე უნახავს. ის ამბობდა, რომ როცა მაკაკა სიჩქარეს კრეფდა, მისი დაწევა შეუძლებელი ხდებოდა და ამ ყველაფრით ალანი ხშირად სასიკეთოდ სარგებლობდა.

ასევე იხილეთ: პიშო: "ექვსი ერის ქვეყნები, რაგბის განვითარებას აფერხებენ"

ალან მაკაკა ავტოკატასტროფის შედეგად დაიღუპა

ასევე იხილეთ

უახლესი ამბები