მსოფლიო რაგბიში ძალიან მალე მნიშვნელოვანი ცვლილებები იგეგმება, ახალი ზელანდიის შეკრების ანგარიშის მიხედვით მალე შესაძლოა ახალი ტურნირი შეიქმნას.

ცნობილი გამოცემა The Herald-ის ინფორმაციით შეიქმნება მსოფლიოს ლიგა, სადაც 12 გუნდი იქნება წარმოდგენილი, მასში ექვსი ერის, ოთხი ერის ლიგის გუნდები, პლუს აშშ და იაპონია ითამაშებენ. მას დახურული ფორმა ექნება და გუნდები მუდმივ წევრებად ჩაითვლებიან.

World Rugby recognises and values the importance of player considerations and input into the ongoing annual international competition discussions. Full statement - https://t.co/NszGQg6lQq
— World Rugby (@WorldRugby) February 28, 2019

ერთ-ერთმა მედია კომპანიამ, რომლის სახელწოდებაც არ სახელდება თითოეულ კლუბს მატჩების ტრანსლირების უფლებისთვის წლიურად 14 მილიონი შესთავაზა.

ახალი ტურნირის შექმნაზე ხმები დიდი ხანია ვრცელდება, თუმცა მეორე და მესამე ეშელონის ნაკრებების წარმომადგენლები მომავალს ბევრად ნათელ ფერებში ხედავდნენ, ეს ფორმატი კი მათ პროგრესს აშკარად შეაჩერებს.

როგორც გამოცემა იუწყება ცვლილებები 2020 წელს დაიწყება, თუმცა თავიდანვე შეიძლება ითქვას, რომ მას ძალიან ბევრი მოწინააღმდეგე ეყოლება.

გასათვალისწინებელია, რომ ამ 12 გუნდში ვერ მოხვდება მსოფლიოს რეიტინგის მეცხრეადგილოსანი ფიჯი, ასევე საქართველო, სამოა, ტონგა და ა.შ.

"ოლ ბლექსის" ერთ-ერთი ლიდერი კირან რიდი ტურნირის მოწინააღმდეგეთა შორისაა, მისი განცხადებით მსოფლიოს რაგბის ეს გადაწყვეტილება დღეისათვის შედარებით სუსტ განვითარების საშუალებას უსპობს, მან იმედი გამოთქვა, რომ გადაწყვეტილება გადაიხედება და ყველა მხარე კონსენსუსამდე მივა.

ქართული რაგბის განვითარებას საფრთხე ემუქრება

ასევე იხილეთ

უახლესი ამბები