საქართველოს მორაგბეთა ეროვნული ნაკრები 23 ოქტომბერს, ტესტ-მატჩს ედინბურგში, "BT Murrayfield"-ზე შოტლანდიის ეროვნული გუნდის წინააღმდეგ გამართავს - აღნიშნულ ინფორმაციას სკოტები ადასტურებენ.

შეგახსენებთ, დღეს, 10 სექტემბერს ოფიციალურად დადასტურდა, რომ "ბორჯღალოსნები" გაფართოებულ 6 ერში მიიღებენ მონაწილეობას, სადაც საქართველოს ნაკრები A ჯგუფში იასპარეზებს და მათი მეტოქეები ინგლისის, უელსისა და ირლანდიის ნაკრებები იქნება.

This Autumn at BT Murrayfield 👇 ℹ️ bit.ly/3iisq5m 🎟️ Ticketing information will be announced soon
Posted by Scottish Rugby on Thursday, September 10, 2020

კორონავირუსის პანდემიის გამო, 6 ერის ხელმძღვანელების გადაწყვეტილებით ტურნირი ერთჯერადად სახეცვლილი ფორმატით გაიმართება და მასში მონაწილეობას 8 გუნდი მიიღებს. B ჯგუფში კი საფრანგეთთან, იტალიასთან და შოტლანდიასთან ერთად მეორე მიწვეული ნაკრები - ფიჯი გამოვა. ტურნირი სტარტს 14 ოქტომბერს აიღებს და 5 დეკემბერს დასრულდება.

გეტყვით იმასაც, რომ იძულებითი პაუზის შემდეგ, საქართველოს ნაკრები პირველ შეხვედრას 1-ელ ნოემბერს გამართავს. ერთა თასის ეგიდით "ბორჯღალოსნები" რუსეთის ნაკრებს თბილისში უმასპინძლებენ. რაგბი ევროპის ჩემპიონატის ბოლო ტურის შეხვედრა ამ გუნდებს შორის 14 მარტს უნდა გამართულიყო, თუმცა კორონავირუსის გამო პრინციპული დაპირისპირება გადაიდო.

ბორჯღალოსნები შოტლანდიელებს შეერკინებიან

8 ერის არის!

ტესტ მატჩი შოტლანდიის წინააღმდეგ

ასევე იხილეთ

უახლესი ამბები