როგორც ჩანს World Rugby-მ ამ სპორტით დაკავებული უდიდესი ნაწილის პოზიცია გაითვალისწინა და ფართო საზოგადოებას ახალი, საკმაოდ საინტერესო ტურნირი წარუდგინა. ეს ამბავი ძალიან საინტერესოა ქართველი რაგბის მოყვარულებისთვის, რადგან ის ჩვენს გუნდს ნანატრ შესაძლებლობას მოუტანს.

როგორც ჩანს, 2022 წელს შეიქმნება ახალი ტურნირი, რომელიც დაყოფილი იქნება ევროპის და დანარჩენი მსოფლიოს დივიზიონებად.

ორივე დივიზიონი დაყოფილი იქნება სამ-სამ ჯგუფად, რომლებიც ასვლა-ჩამოსვლის პრინციპით იფუნქციონირებენ.

ევროპის პირველ დივიზიონს 6 ერის გუნდები შეავსებენ, მეორეს რაგბი ევროპის, ხოლო მესამეს საუკეთესო რეიტინგის მქონე ნაკრებები.

მსოფლიოს დივიზიონში 4 ერის გუნდებს რეიტინგში ყველაზე მაღალი ადგილის მქონე ორი გუნდი დაემატება, დღეისათვის ასეთები იაპონია და ფიჯია. დანარჩენი ჯგუფები კი რეიტინგის მიხედვით შედგება.

დივიზიონების პირველ ჯგუფებში უმაღლეს ორ ადგილზე გასული გუნდები ერთმანეთს ნახევარფინალში და შემდეგ უკვე ფინალში დაუპირისპირდებიან.

ეს მეორე ეშელონის ნაკრებებისთვის ფანტასტიკური შესაძლებლობაა, რომ გრანდებთან თამაშით გამოცდილება და კლასი აიმაღლონ.

მსოფლიო რაგბის ახალი ტურნირი - შანსი მეორე ეშელონის ქვეყნებს

ასევე იხილეთ

უახლესი ამბები