ექსპერიმენტალური ტურნირი, შემოდგომის ერთა თასი გრძელდება. A ჯგუფს ინგლისის ეროვნული ნაკრები ორი გამარჯვებით დამაჯერებლად ლიდერობს. მას ირლანდია და უელსი 4–4 ქულით მოყვებიან, ხოლო საქართველოს აქტივში 0 ქულაა და სამწუხაროდ, ვერცერთ მატჩში "ბორჯღალოსნებმა" თამაშის დროს ქულის აღებაც ვერ შეძლეს.

რაც შეეხება B ჯგუფს, აქ ლიდერი საფრანგეთია. როგორც იცით, ფიჯის ნაკრებს კოროანვირუსი უტევს, ამიტომ მათ ვერც საფრანგეთთან და ვერც იტალიასთან მოედანზე გასვლა ვერ შეძლეს და ავტომატურად 28:0 წაგება ჩაეთვალათ.

შოტლანდიას იტალია პირველ ტურში დამარცხებული ჰყავს, თუმცა მეორე შეხვედრის გამართვა მათ ფრანგებთან მოუწიათ და 15:22 დამარცხდნენ. შეიძლება ითქვას, რომ ამ დაპირისპირებამ ერთ–ერთი ფინალისტის ბედი გადაწყვიტა. მართალია, ჯერ საბოლოოდ ყველაფერი გარკვეული არაა და ფრანგებს იტალიასთან წარმატების მიღწევა სჭირდებათ, თუმცა ისინი აშკარა ფავორიტები არიან.

როგორც უკვე მოგახსენეთ, შოტლანდია – საფრანგეთის ჯახის დროს, ერთ–ერთი გვერდითი მსაჯი ქართველი ნიკა ამაშუკელი გახლდათ, რომელიც ასეთი დონის მატჩს პირველად მოემსახურა. მან ასისტენტობა მსოფლიოს საუკეთესო მსაჯთა შორის დასახელებულ უეინ ბარნსს გაუწია.

ფრანგებს იტალიელებთან ჭიდილი 28 ნოემბერს მოუწევთ. იმ შემთხვევაში თუ ფიჯი კვლავ ვერ შეძლებს მოედანზე გამოსვლას, შოტლანდიას გამარჯვება ავტომატურად ჩაეთვლება. აქვე შეგახსენებთ, რომ რვა ერის ჯგუფის დასკვნით მატჩს, საქართველოს ნაკრები ირლანდიის წინააღმდეგ გამართავს. აღნიშნული შეხვედრა 29 ნოემბერსაა ჩანიშნული.

საფრანგეთი რვა ერის ფინალს უახლოვდება

ფრანგებმა შოტლანდიელებს აჯობეს

ისინი ფინალს მიუახლოვდნენ

ასევე იხილეთ

უახლესი ამბები