ბორჯღალოსნების მთავარმა მწვრთნელმა ლევან მაისაშვილმა, 2023 წლის მსოფლიო თასის ჯგუფური ეტაპის შემდეგ პირველი კომენტარი გააკეთა.

2021/2022 წლების რაგბი ევროპის ჯამური ჩემპიონატის მოგების შემთხვევაში, საქართველო საფრანგეთში ევროპა 1-ის სტატუსით გ (Pool C) ჯგუფში უელსთან, ავსტრალიასთან, ფიჯისთან და გლობალური საკვალიფიკაციო ეტაპის გამარჯვებულთან ითამაშებს.

თუ საკვალიფიკაციო ეტაპიდან საფრანგეთის საგზური ურუგვაიმ მიიღო, რისი ალბათობაც დიდია, ზუსტად ისეთივე ჯგუფში ვიქნებით, როგორშიც 2019 წელს, იაპონიაში ვიყავით.

“განთესვიდან გამომდინარე, იოლ ჯგუფს არც ველოდით. ლოგიკურად გ ჯგუფში უნდა მოვხდეთ და ფაქტობრივად იგივე გუნდებთან მოგვიწევს თამაში, ვისაც იაპონიაში ვეთამაშეთ, თუმცა ვერ ვიტყვი, რომ სხვა ჯგუფი უკეთესი იქნებოდა.

ბევრი რამ იმაზე იქნება დამოკიდებული, როგორ მივლენ გუნდები მსოფლიო თასამდე. უელსი და ავსტრალია ფაქტობრივად ახალ გუნდს აშენებს, არავინ იცის როგორი იქნება ფიჯი 2023 წლისთვის“, - თქვა მან.

თეორიულად საქართველომ 2021/2022 წლების რაგბი ევროპის ჩემპიონატი მეორე ადგილზე, რომ დაასრულოს და გახდეს ევროპა 2 – ამ შემთხვევაშიც ბ (Pool B) ჯგუფში სამხრეთ აფრიკასთან, ირლანდიასთან, შოტლანდიასთან და აზია-წყნარი ოკეანის ფლეი ოფის გამარჯვებულთან ითამაშებს.

ლევან მაისაშვილი: “იოლ ჯგუფს არც ველოდით“

მაისაშვილმა კომენტარი გააკეთა

ასევე იხილეთ

უახლესი ამბები