საქართველოს რაგბის კავშირში, საპრეზიდენტო არჩევნები შეიძლება კიდევ ერთხელ გაიმართოს. საქართველოს იუსტიციის სამინისტროს საჯარო რეესტრის ეროვნულმა სააგენტომ მიიღო გადაწყვეტილება, სარეგისტრაციო წარმოების შეჩერების შესახებ.

აღნიშნულთან დაკავშირებით, Croco.ge ირაკლი აბუსერიძეს დაუკავშირდა:

“ჩვენ განვიხილეთ საჯარო რეესტრის განცხადება. ყველაფერზე გვაქვს არგუმენტები და ყველაფერი დადასტურებულია რაგბის კავშირის გამგეობის თავმჯდომარის და ყრილობის მიერ. მათ შორის, საარჩევნო კრების ლეგიტუმურობის საკითხიც.

ყრილობა კი, არის ყველაზე მაღალი ინსტაცია რაგბის კავშირში. თუ იქნება მოთხოვნა ჩვენს არგუმენტებს ყველაფერს დეტალურად წარვადგენთ და ყველას განვუმარტავთ. ასევე, არჩევნების და ჩვენი არგუმენტების ლეგიტიმურობა დადასტურებულია სპორტის სამინისტროს წარმომადგენლის მიერ.

ამ ყველაფრის უკან დგანან ადამიანები, რომლებსაც არ სურთ ქართული რაგბის პროგრესი. მოგვიახლოვდა პრინციპული მატჩი რუსეთის ნაკრების წინააღმდეგ, მალე იწყება მსოფლიო ჩემპიონატის შესარჩევი ციკლი და ნაცვლად იმისა, რომ იფიქრონ ქართულ რაგბიზე და თავიანთი გამოცდილება და შეხედულებები გაგვიზიარონ, ჩვენი გუნდი მზად ვართ ამისთვის, რაგბიში ბზარის შემოტანას ცდილობენ.

ჩვენმა გუნდმაც წააგო არჩევნები, მაგრამ ღირსეულად მივულოცეთ ჩვენს მოწინააღმდეგეს გამარჯვება და ჩვენი ძალებით ვცდილობდით ქართული რაგბის წინსვლაზე ზრუნვას“, - თქვა მან.

საქართველოს რაგბის კავშირში, ერთი კვირის წინ გამართულ საპრეზიდენტო არჩევნებში, ხმის უფლების მქონე დელეგატთა უმრავლესობამ არჩევანი ვეტერან მორაგბეზე - ირაკლი აბუსერიძეზე შეაჩერა. მისმა ერთმა კონკურენტმა - კავშირის ყოფილმა პრეზიდენტმა გოჩა სვანიძემ არჩევნების შედეგი აღიარა.

ირაკლი აბუსერიძე: “რაგბიში ბზარის შემოტანას ცდილობენ“

Croco.ge აბუსერიძეს დაუკავშირდა

ასევე იხილეთ

უახლესი ამბები