6 ერის 2021 წლის გათამაშების მეოთხე ტურის მატჩში, იტალიის ეროვნულმა ნაკრებმა უელსს უმასპინძლა და 48:7 დამარცხდა. იტალიელებმა აღნიშნული ტურნირის ეგიდით გამართულ შეხვედრებში, ზედიზედ 31–ე მატჩი წააგეს და ანტირეკორდი კიდევ უფრო მეტად გაზარდეს.

იტალიას ოთხიდან ოთხი წაგება აქვს, ხოლო უელსს პირიქით – ოთხიდან ოთხი გამარჯვება და ამ მომენტისთვის, სატურნირო ცხრილში კვლავ ლიდერია. შეხვედრის პირველ ნახევარში უელსელები სრულად დომინირებდნენ და 27–0 იმარჯვეს.

როგორც მოსალოდნელი იყო, მატჩის მეორე ნახევარიც სტუმრების უპირატესობით წარიმართა. უეინ პივაკის შეგირდებმა დასკვნით 40 წუთში სხვაობა უფრო მეტად გაზარდეს და ტაბლოზე საბოლოო ანგარიში 48:7 დააფიქსირეს.

მეხუთე ტურში უელსი სტუმრად საფრანგეთს დაუპირისპირდება. მატჩი 21 მარტს ჩატარდება, ხოლო იტალიელები ერთი დღით ადრე, შოტლანდიელებს ეწვევიან. დღეს კი 20:45 საათზე, მეოთხე ტურის მორიგი მატჩი ინგლისსა და საფრანგეთს შორის შედგება.

W W W W - The @WelshRugbyUnion win streak continues! 🏴󠁧󠁢󠁷󠁬󠁳󠁿 👏#GuinnessSixNations #ITAvWAL pic.twitter.com/2JIOYA4h5E
— Guinness Six Nations (@SixNationsRugby) March 13, 2021

6 ერი – იტალია უელსთან დამარცხდა

იტალია ანტირეკორდს კიდევ უფრო მეტად ზრდის

იტალია 7:48 უელსი

ასევე იხილეთ

უახლესი ამბები