6 ერის 2021 წლის სეზონის მეხუთე ტურის მატჩში, შოტლანდიამ იტალიის ეროვნულ ნაკრებს უმასპინძლა და წინა ტურში ირლანდიასთან განცდილი მარცხის შემდეგ, დღეს მარტივი გამარჯვება მოიპოვა. მათ "აძურის" 52:10 სძლიეს და აღნიშნულ ტურნირზე, ზედიზედ 32–ე მარცხი აგემეს.

შეხვედრის პირველი ნახევარი მასპინძლებმა 24:10 მოიგეს, ხოლო მეორე ტაიმში, სტუმრებმა აქტივში ქულების შემატება ვეღარ შეძლეს, ხოლო მასპინძლებმა მონაგარი 52 ქულამდე გაზარდეს. თაუნსენდის შეგირდებმა მატჩის მეორე ნახევარი 28:0 მოიგეს.

შედეგად შოტლანდიას 11 ქულა უგროვდება და ამ მომენტისთვის სატურნირო ცხრილში მეორე ადგილს იკავებს. მათ მომდევნო დაპირისპირება 26 მარტს სტუმრად, საფრანგეთთან ელით. იტალია კი 0 ქულით ბოლო პოზიციას არავის უთმობს. მათ მიმდინარე გათამაშებაში გამართულ ყველა მატჩში, ჯამურად მხოლოდ 55 ქულა აიღეს, ხოლო მეტოქეებმა 239–ქულიანი სარგებელი ნახეს.

ამ წუთებში 6 ერის მორიგი დაპირისპირება მიმდინარეობს. ირლანდიის ეროვნული ნაკრები ინგლისს მასპინძლობს.

A storming performance from @Scotlandteam. #GuinnessSixNations #SCOvITA pic.twitter.com/mzEzlnRGLe
— Guinness Six Nations (@SixNationsRugby) March 20, 2021

6 ერი – შოტლანდიამ იტალია გაანადგურა

შოტლანდია 52:10 იტალია

მასპინძლების მნიშვნელოვანი გამარჯვება

ასევე იხილეთ

უახლესი ამბები