საქართველოს მორაგბეთა ნაკრებმა რაგბი ევრპის ეგიდით მორიგი შეხვედრა ჩაატარა, სადაც რუმინეთს შეხვდა.

პირველი ტაიმი საკმაოდ დაძაბული გამოდგა. მაისაშვილის შეგირდები მე-10 წუთზე დაწინაურდნენ.

შეხვედრაში პირველი ლელო ჯალაღონიამ დადო, ხოლო აბჟანდაძემ გარდასახვა იდეალურად შეასრულა - 7:0.

მე-20 წუთზე თედომ ჯარიმაც გამოიყენა და ტაბლოზე 10:0 დაფიქსირდა.

სტუმრებმა ლელოს დადება 22-ე წუთზე მოახერხეს, ხოლო 24-ე წუთზე გადასახვაც გამოიყენეს.

ტაიმის მიწურულს მოედანზე მორაგბეებმა იჩხუბეს. აფრასიძესთან უხეშობის გამო მორიგი ჯარიმა დაინიშნა, რომელიც თედომ გამოიყენა და ტაიმი 13:7 დასრულდა.

მეორე ნახევარში კვლავ მასპინძლები აქტიურობდნენ. გიგაშვილმა 53-ე წუთზე ლელო დადო, აბჟანდაძემ კი, გარასახვა კვლავ ბრწყინვალედ შეასრულა - 20:10.

მომენტიდან რამდენიმე წუთში რუმინეთმა მეორე ლელო დადო - 17:20.

დავძენთ, რომ ბორჯღალოსნებმა შეხვედრის უდიდესი ნაწილი მამუკაშვილის გარეშე ჩაატარეს, რომელიც გააძევეს.

71-ე წუთზე გელა აფრასიძის ბრწყინვალე მოქმედებას ლელო მოყვა. ამჯერად თავის გამოჩენა აკა ტაბუცაძემ მოახერხა - 25:17.

საბოლოო ანგარიში შეხვედრის მიწურულს დაფიქსირდა - 28:17.

ცნობისთვის, “მიხეილ მესხის“ სახელობის არენაზე კორონავირუსის პანდემიით გამოწვეული პაუზის შემდეგ, ქომაგთა გარკვეული რაოდენობა დაიშვა.

საქართველომ რუმინეთი დაამარცხა

უახლესი ამბები