ახალი ზელანდიის რაგბის კავშირის ცნობით, ოლ ბლექსი ზაფხულში ტესტ-მატჩებს კუნძულელებთან გამართავს. ისინი ივლისში ფიჯის ორჯერ უმასპინძლებენ, ხოლო ერთხელ ტონგას დაუპირისპირდებიან.

ცნობილია, რომ ფიჯისთან შეხვედრა მსოფლიო რაგბის განრიგში იყო. ასევე ვრცელდებოდა ინფორმაცია, რომ ახალ ზელანდიელები ტონგასაც შეხვდებოდნენ. საბოლოოდ ორივე მატჩი ოფიციალურად დადასტურდა.

ახალ ზელანდიელები ტონგას სამ ივლისს უმასპინძლებენ, ათში ურთიერთობას ფიჯელებთან გაარკვვენ, ხოლო 17-ში კვლავ ფიჯელებს დაუპირისპირდებიან. მაორი ოლ ბლექსი კი მასპინძლობას სამ ივლისს მანუ სამოას გაუწევს.

ცნობილია, რომ 2023 წლის მსოფლიო თასის საგზურის მოსაპოვებლად, ორმატჩიან პლეი-ოფებს სამოა და ტონგა ახალ ზელანდიაში გამართავენ. მათი პირველი შეხვედრა ათ ივლისს შედგება, ხოლო საპასუხო მატჩს უკვე 17-ში ვიხილავთ. პირველი თამაშის ზუსტი ლოკაცია ჯერჯერობით უცნობია, ხოლო განმეორებითი მატჩი უკვე ჰამილტონში ჩატარდება.

Kia ora, ni sa bula vinaka, mālō e lelei, talofa lava!

The All Blacks and Māori All Blacks look forward to welcoming Fiji, Samoa and Tonga to Aotearoa for a blockbuster festival of Pasifika rugby in July.
— All Blacks (@AllBlacks) May 16, 2021

ზაფხულის ტესტებზე ახალი ზელანდიის მეტოქეები გაირკვა

ოლ ბლექსი კუნძულელებს დაუხვდება

ასევე იხილეთ

უახლესი ამბები