საქართველოს მორაგბეთა ნაკრების მარცხენა ბურჯები, ზურაბ ჟვანია და მიხეილ ნარიაშვილი შესაძლოა ფრანგული ტოპ 14-ის კლუბ ლიონში აღმოჩნდნენ.

ფრანგული პრესის ცნობით, ლიონმა ახალი ბურჯების ძებნა მას შემდეგ დაიწყო, რაც მუჰამედ ბუგანმიმ სამედიცინო შემოწმება ვერ გაიარა.

ქართველი მორაგბეების ლიონში გადასვლა საკმაოდ რეალური ჩანს, რადგანაც 29 წლის ჟვანია ინგლისური უოსპსიდან წამოსვლის შემდეგ თავისუფალია, ხოლო ნარიაშვილის მონპელიეს ფინანსური პრობლემები აქვს და შესაბამისი შეთავაზების შემთხვევაში, მიშას აუცილებლად დაემშვიდობება.

ჟვანიას საფრანგეთში თამაშის გამოცდილება აქვს, რადგანაც უოსპსამდე პარიზული “სტად ფრანსეს” ღირსებას იცავდა, ნარიაშვილი კი “მონპელიეში” ჯერ კიდევ 2010 წლიდან ასპარეზობს.

ზურაბს საქართველოს ნაკრებში 36 მატჩი უგროვდება, მიშას კი – 56.

ჟვანია და ნარიაშვილი ლიონში?

ქართველი მორაგბეების ლიონში გადასვლა საკმაოდ რეალური ჩანს

ასევე იხილეთ

უახლესი ამბები