2021 წლის რაგბი ევროპის ჩემპიონატის დასკვნითი შეხვედრა, რომელიც 2023 წლის მსოფლიო თასის შესარჩევი ეტაპიცაა, დღეს 17:00 საათზე თელავში, "კავკასიონი არენაზე" გაიმართა.

ბორჯღალოსნებმა ნიდერლანდები 48:15 დაამარცხეს.

შეხვედრის დასრულების შემდეგ, მთავარმა მწვრთნელმა, ლევან მაისაშვილმა კომენტარი გააკეთა:

“თამაშის ხარისხით კმაყოფილება არ გვაქვს. ამას თავისი მიზეზები აქვს. ბევრი წუნი გვქონდა. ვიტყოდი, რომ ცოტა მეტოქის შეუფასებლობაც იყო, თუმცა ამაზე პრევენცია გვქონდა გაკეთებული. ამ ყველაფერმა თავი იჩინა და თავიდანვე რომ ქულები ვერ ავიღეთ, ცოტა წნეხში მოვექციეთ. მეორე ტაიმში უკეთესი სურათი იყო. შეუთამაშებლობამ თავი მაინც იჩინა. თამაშით შედეგით კმაყოფილები ვართ, თუმცა არა ხარისხით.

ეს ჩვენთვის კარგია იმიტომ, რომ ვემზადებით სამხრეთ აფრიკისთვის. ამ შეცდომების დაფიქსირება დაგვეხმარება. ჩვენთვის საკმაოდ რთული ორი კვირა იყო. უნდა მოვმზადებულიყავით როგორც ამ თამაშისთვის, ასევე სამხრეთ აფრიკისთვისაც. გარკვეულწილად პატარ–პატარა ხარვეზევი ამანაც შეიტანა, მაგრამ საბოლოო ჯამში ჩვენთვის ეს კარგი სურათა. ამ შეცდომებს კარგად გავაანალიზებთ. ამ თამაშს შეთამაშების პრობლემის მოსაგვარებლად გამოვიყენებთ“, - თქვა მან.

მატჩზე ისაუბრა მერაბ შარიქაძემაც:

“დარწმუნებული ვარ, რომ სამხრეთ აფრიკასთან უფრო ხარისხიან თამაშს ვითამაშებთ. სამხრეთ აფრიკის გუნდი იმხელა საფეხურზეა, რომ უთამაშებლობა შეიძლება დიდად არც დაეტყოთ. მათ უმაღლესი დონის მოთამაშეები ჰყავთ. ჩვენთვის არაფერი არ იცვლება. ჩვენს საქმეზე ფოკუსირება უნდა გავაკეთოთ. მხოლოდ ამ შემთხვევაში მივაღწევთ წარმატებას“.

ლევან მაისაშვილი: “ხარისხით კმაყოფილი არ ვარ“

საქართველომ ნიდერლანდები დაჯაბნა

ასევე იხილეთ

უახლესი ამბები