საქართველოს პრეზიდენტი, სალომე ზურაბიშვილი რაგბის ეროვნული ნაკრების მთავარი მწვრთნელის, ლევან მაისაშვილის ჯანმრთელობასთან დაკავშირებით, ახალ ინფორმაციას ავრცელებს.

საქართველოს რაგბის ნაკრების მწვრთნელის - ლევან მაისაშვილის ჯანმრთელობის მდგომარეობა კრიტიკულად მძიმეა. ბოლო ორი დღეა დამატებით გართულებები არ ჰქონია, თუმცა მანამდე ყველა შესაძლო გართულება ჰქონდა. ექიმები პროგნოზს ვერ აკეთებენ.

ერთ-ერთ საუკეთესო კერძო კლინიკაშია იოჰანესბურგში - Milpark hospitals . ადგილზე არის მაღალტექნოლოგიური მკურნალობის სრული შესაძლებლობა, ამიტომ ოჯახმა სადმე გადაყვანის გადაწყვეტილება არ მიიღო.

ჩართულია ჩვენი ელჩი ბექა დვალი ძალიან ეხმარება იქ ადგილზე ქართველი ექიმია, ვახტანგ რეხვიაშვილი, ძალიან წარნატებული და ავტორიტეტული ექიმია და მისი კონტაქტებითაც მაქსიმალური ყურადღება აქვს. მოკლედ, რაც შესაძლებელია ყველაფერს უკეთებენ.

ვუსურვოთ გამოჯანმრთელება, - ვკითხულობთ პრეზიდენტის განცხადებაში.

შეგახსენებთ, რომ საქართველოს ეროვნული გუნდის მთავარი მწვრთნელი სამხრეთ აფრიკაში, ტესტ-მატჩებზე ყოფნის დროს, გასულ თვეში დაინფიცირდა და მას შემდეგ, მკურნალობის კურსს სწორედ ხსენებულ ქვეყანაში გადის.

მაისაშვილის მდგომარეობა კრიტიკულად მძიმეა

ინფორმაციას სალომე ზურაბიშვილი ავრცელებს

ასევე იხილეთ

უახლესი ამბები