ესპანური მედიის ცნობით, საფეხბურთო კლუბ ვალენსიას გოლკიპერი, იასენ სილესენი, შესაძლოა, ნიდერლანდებში დაბრუნდეს.

არსებული ინფორმაციით, მისი დამატება აიაქსს სურს, რომელიც იანვარში ონანას გაყიდვას გეგმავს.

„ღამურების“ კიპერი 2016 წლამდე ამსტერდამელთა რიგებში გამოდიოდა, ხოლო შემდეგ ბარსელონაში გადაბარგდა.

ვალენსიასთან კონტრაქტი 2023 წლამდე აკავშირებს, მისი გაგრძელება სეზონის წინ იყო შესაძლებელი, თუმცა ეს კლუბს არ გაუკეთებია.

თავად ფეხბურთელიც მზადაა, რომ ყველა წინადადება განიხილოს, რადგან „მესტალიაზე“ თავს ბედნიერად არ გრძნობს.

შეგახსენებთ, ვალენსიას ღირსებას გიორგი მამარდაშვილი იცავს, რომელმაც ლა ლიგის მიმდინარე სეზონში 6 შეხვედრა ჩაატარა, თუმცა დაშვებული შეცდომების გამო ბორდალასმა სათადარიგოთა სკამზე გაამწესა.

სილესენი მიდის?! - შანსი მამარდაშვილს...

სილესენის მიმართ ინტერესს ყოფილი კლუბი იჩენს

ასევე იხილეთ

უახლესი ამბები