მაორი ოლ ბლექსისა და სუპერ რაგბის ვარსკვლავი, ახალ ზელანდიელი მორაგბე, შონ ვაინუი ორშაბათს დილით, ავტოკატასტროფაში 25 წლის ასაკში გარდაიცვალა.

მედიაში გავრცელებული ინფორმაციის თანახმად, ინციდენტს ადგილი ტუარანგას მახლობლად, ომანავაში ჰქონდა. ადგილობრივი პოლიცია კი ადასტურებს, რომ ვაინუი ავტომობილის მართვისას ხესთან შეჯახების შემდეგ გარდაიცვალა და ის ავტომობილში მარტო იმყოფებოდა.

2015 წელს, შონი ახალი ზელანდიის 20-წლამდელთა ნაკრების წევრი გახლდათ, რის შემდეგაც ის Maori All Blacks-ის რიგებში თამაშობდა.

კარიერის საწყის ეტაპზე ვაინუი ტარანაკის რიგებში თამაშობდა. ხოლო, 2016 წელს მას დებიუტი სუპერ რაგბიში, კრუსეიდერსის რიგებში ჰქონდა, სადაც ერთი სეზონი გაატარა და შემდეგ, ჩიფსში გადაბარგდა. მისი ბოლო გუნდი კი ბაი ოფ პლენტი გახლდათ.

შონ ვაინუის მეუღლე პეიჯი, ორი წლის ვაჟი კავარიკი და გერი ქალიშვილი, არაჰია დარჩა.

We are heartbroken right now. Sean, you were an inspiration and will never be forgotten. We extend all of our strength and aroha to your friends and whānau. 🖤

Kia au tō moe. pic.twitter.com/R0o9fqgW6R
— All Blacks (@AllBlacks) October 18, 2021

ახალ ზელანდიელი მორაგბე 25 წლის ასაკში გარდაიცვალა

ვაინუი ავტოკატასტროფას ემსხვერპლა

ასევე იხილეთ

უახლესი ამბები