ავტორიტეტულმა გამოცემა THE GUARDIAN-მა საკუთარი 2018 წლის Rugby Union Power Ranking გამოაქვეყნა, რომელშიც ჩვენთვის საინტერესო რამდენიმე ეპიზოდზე გავამახვილებთ ყურადღებას.

რეიტინგის პირველი ნომერი სრულიად დამსახურებულადაა ირლანდიის ნაკრები, სტივ ჰანსენის შეგირდებმა წელი უმაღლეს დონეზე ჩაატარა და რამდენიმე დღის წინ "დაუმარცხებელი" "ოლ ბლექსიც" დაამარცხა. მანამდე ამ გუნდმა "6 ერის" გათამაშება მოიგო და მომავალ წელს მსოფლიოს თასზე მათგან სიურპრიზებს უნდა ველოდეთ. ასევე გამოსარჩევია წლის საუკეთესო მორაგბე ჯონი სექსტონი, რომელიც იდეალურად წარმართავდა "სამყურების" შეტევებს.

ახალი ზელანდიის ნაკრებისგან ევროპულ გუნდთან მარცხს არავინ ელოდა, თუმცა "4 ერზე" აშკარა დომინაციამ, როგორც ჩანს შავები მოადუნა. ეტყობა რომ გუნდის მგეზავ ბუდენ ბარეტს დაღვინება აკლია, რომელიც მართლაც დიდი ტალანტია, თუმცა არ არის დენ კარტერი, ის არც ზემოთხსენებული ჯონი სექსტონია. ყველაფრის მიუხედავად მომავალ წელს იაპონიაში გასამართ მსოფლიოს ჩემპიონატზე "ოლ ბლექსი" მაინც უდავო ფავორიტად ჩაითვლება.

მესამე ადგილზე ჩვენს ჯგუფში მყოფი უელსის ნაკრებია. უორენ გეთლანდის გუნდი ძალიან სანახაობრივი რაგბის მოყვარულია და ნეიტრალური გულშემატკივრისთვის მათი თამაშის ყურება ყოველთვის სასიამოვნოა. ამ ყველაფრის მიუხედავად უელსი აშკარად არასტაბილურია და თუ ვერ მოახერხა მისი მოპოვება, ძალიან გაუჭირდება.

ჩვენი ჯგუფის კიდევ ერთი მონაწილე, ავსტრალია მეშვიდე ადგილზეა. მათ აშკარა კრიზისი აქვთ და ინგლისის მსოფლიოს ჩემპიონატის შემდეგ პროგრესის მაგივრად რეგრესი განიცადეს. თუმცა "ვოლაბები" მსოფლიოს ჩემპიონატს ყოველთვის მაღალ დონეზე ატარებენ და ჩვენი ჯგუფის ფავორიტადაც სწორედ ეს გუნდი უნდა მივიჩნიოთ.

მეცხრე პოზიციას იკავებს ფიჯი, რომელსაც სპეციალისტები ჯგუფში ჩვენზე წინ აყენებენ და არც თუ უსაფუძვლოდ. ფიჯელებმა რამდენიმე დღის წინ საფრანგეთს მოუგეს. ყველასთვის ნათელია, რომ ამ ფიჯის ძალიან კარგი შემადგენლობა ყავს, თუ ეს გუნდი სტაბილურობას მიაღწევს უელსსა და ავსტრალიას სერიოზული კონკურენტი გაუჩნდებათ.

საქართველოს ნაკრები კი მეთოთხმეტე პოზიციაზეა. იტალიასთან მარცხის შემდეგ ქართველებმა მოახერხეს და ორი კუნძულური ნაკრები ერთმანეთის მიყოლებით დაამარცხეს. ბორჯღალოსნების ჯგუფი საკმაოდ რთულია, ამ გუნდს სამეულში მოხვედრა გაუჭირდება, თუმცა მათთან თამაში არც ერთი ნაკრებისთვის იოლი არ იქნება. ისინი პროგრესირებენ და სიურპრიზების შემოთავაზებაც შეუძლიათ.

THE GUARDIAN: ბორჯღალოსნებს სამეულში მოხვედრა გაუჭირდებათ

ასევე იხილეთ

უახლესი ამბები